2017去邊玩？

過埋今日就到2017年，係時候plan定下年嘅旅行。2017年頭，一般打工仔都會揀農曆新年去旅行，一來避年﹑二來連假多，去長途旅行抵玩啲。不過大家都知呢段日子嘅酒店同機票都貴過平時好多，窮遊人士睇見都頭痛。如果想節日出發，又想平飛平住，識揀一定係情人節出發。點解？
1. 情人節氣氛濃厚
如果去日本﹑韓國﹑台灣等地，情人節氣氛仲濃厚過香港，除咗揾到好多情侶版嘅產品，部份餐廳同商店更會推出情人節優惠。另外2月11日係元宵佳節（中國情人節），台灣或中國內地都會有慶祝活動，情侶們唔好錯過呀。


2. 機票酒店唔貴
今年2月14日係星期二，加上冇「紅日效應」，情人節嘅機票同酒店大部份同平日一樣價錢。建議大家2月11日（星期六）元宵節飛，2月15日（星期三）返香港，請三日玩五日。

3. 留港消費隨時仲貴
大家都知情人節嘅晚餐同鮮花近乎全年最貴，簡單啲食餐飯﹐兩個人埋單$1,000絕對係濕碎﹐買扎花﹐又冇咗幾百，仲未計禮物呢。有冇諗過加加埋埋可能夠買兩張機票？與其喺香港俾人「揾笨」，不如近近地飛轉台灣去夜市仲開心。或者趁呢排日元咁平，飛轉日本食咩都抵過喺香港食啦。


4. 製造甜蜜回憶
同伴侶去旅行嘅回憶往往係最難忘。兩個人朝見晚見，瞓醒第一眼望住對方講早晨，臨瞓前互相講句晚安，FF下都開心呀（首先你要…）如果可以喺情人節同情人去旅行，一定會加倍甜蜜，一世難忘呢。

講咗咁耐，情人節飛去邊玩好呢？如果想要去啲凍嘅國家，短途可以考慮最有情人節氣氛嘅日本﹑韓國同台灣。如果唔想冬天衫逼爆行李，咁就要去熱帶地方如泰國﹑沙巴同峇里等。

而家只要喺1月11日前，用呢條link：https://goo.gl/yTlexF 或
直接輸入優惠碼：ecjobsonline（輸入後按「查看優惠」，優惠才能生效）經Wefly Travel訂機票，全線機票所有時間、所有地點每張即時減$120*！（以上優惠不可與其他優惠或推廣同時使用）
*機票減$120是指每張機票，如一張訂單包括三張機票，可以同時減$360，大人及小童機票亦適用。

文：Yvonne

更多打工仔分享，追蹤 ECjobsonline 專頁 或 瀏覽 www.ECjobsonline.com