【網民熱話】工廠區返工覺得愈做愈頹


返工地區對一份工有幾重要呢?早前有網民喺討論出帖指自己喺工廠區返工,覺得愈做愈頹,感覺低人一等,慨嘆觀塘工廠區返工同中環係兩個世界,引來不少網民回應。

有網民認同睇法指如果讀到書,想打份有錢(前)途嘅工,梗係中環返工好啦,喺中小企做到高層,人工福利遠不及大公司。不過亦有網民表示不贊成「冇錢去到邊都賤」。

世事往往難以兩全其美,其實返邊區都有辣有唔辣,有中環返工嘅網民更指「如果你係無料,返中環唔會令你開心,因為根本格格不入」仲有交通費同食飯錢都貴過人。寧願返工廠區嘅巴打指「以前返過中小企,氣氛好好多,好friendly。而家返IFC所謂大公司,啲人個個西口西面,又扮晒高級」小編就覺得咸魚青菜,各有所愛,最緊要係同公司啲同事相處融合,上司又對自己好,公司附近又多嘢食選擇,邊度返工又有咩所謂,係咪?

更多打工仔分享,追蹤 ECjobsonline 專頁 或 瀏覽 www.ECjobsonline.com

留言


請按此登錄後留言。未成為會員? 立即註冊
    快捷鍵:←
    快捷鍵:→