【OL恩物】檸檬水以外3種減肥飲料 精選

很多打工仔都愛飲檸檬水減肥，但不少專家或營養師都曾澄清，暫時仍未有科學証實檸檬水和消脂有直接關係，咁究竟除咗檸檬水，仲有咩飲料啱辦公室飲又可以減肥？美國有健康雜誌建議出3種飲料，效果比檸檬水更好。
綠茶
綠茶除了沒有卡路里，更有消脂作用。根據發表在《Journal of the American College of Nutrition》的一項研究，發現每天飲用四杯綠茶的人，在兩個月後平均體重下降了六磅。不過記得要飲自己沖泡的綠茶，因為現成樽裝綠茶往往加入了大量糖份，而且抗氧化功能較低，另外更要小心市面上的綠茶補充劑，飲得多會對腎臟造成負荷，影響健康。

咖啡
外國有研究發現，健身前飲2-3杯咖啡能延長煅煉時間及增加運動量，即是可以燃燒更多卡路里，不過謹記要飲齋啡，否則加糖加奶又加cream，分分鐘越飲越肥，做幾耐運動都冇效啦。
凍水
凍飲可令人體消耗更多能量去保持37°C的正常體溫，美國營養師Mitzi Dulan更指，如果每天飲三杯大約700ml的凍水有助燃燒多100卡路里，只要維持一年就可以瘦10磅！

更多打工仔分享，追蹤 ECjobsonline 專頁 或 瀏覽 www.ECjobsonline.com