做個快樂打工仔！ 精選

其實喺人生入面，為咗生活，好多人絕大部份時間都係返工。所以返工返得開心，絕對會令到人生美滿。有健康嘅情緒，自己身體都會健康啲；有健康嘅情緒，有健康嘅情緒，晉升嘅機會都會大啲！以下有5個方法，大家可以試下，快樂原來可以好簡單！
清楚自身優缺點
快樂往往源於滿足感，獲得滿足感通常都係發揮到自己嘅長處，充滿自信嘅時候。所以了解清楚自己嘅優勢而去發揮，增強自信係一件好重要嘅事。唐大宗有言：「以人為鏡，可以明得失。」所以多多問問身邊人，自己有啲咩可以改善嘅地方，都係了解自己嘅一種方法。另外，一啲性格測試如MBTI性格測試，九型人格測試等，可以了解咩工作適合自己，建立更多自信同成功感，就可以令到自己快樂。

學懂包容
古語有云：「人誰無過？」其實做人，退一步海闊天空。如果身邊同事唔小心做錯野，連累到你比人鬧嘅時候，只係初犯，就試下寬恕，唔好對人咁苛刻。雖然連累到要開OT、比老闆囉唆幾句，但其實放過人地，亦都係放過自己。唔發生都發生咗，嬲嚟都無用。倒不如快快手一齊做好佢，建立良好同事關係。但當然，屢勸唔聽，做極都錯，對自己無要求嘅人，就不在包容之列啦！
笑口常開
一個微笑，永遠係建立一段人際關係的好開始。每日開工前，可以對住鏡練習下笑容。笑嘅時候記得同自己講：「今天一定會有個好嘅開始！」當你充滿正能量嘅時候，自然可以感染其他人，令到工作氣氛更加愉快！

嘗試改變
日復日咁返工，日日都搭同一班車，返同一個OFFICE，朝九晚五，安穩刻板嘅日子過得耐，難免會有種厭倦或者失落感。所以，要令到自己快樂，其實做一啲小小嘅改變已經可以。可以試下換個新髮型，買一盤小盤栽擺喺OFFICE，提自己樂於改變！

定期同朋友相聚
同朋友去HAPPY HOUR 放鬆下，傾下計，其實係一個舒緩情緒嘅好方法！記得無論工作有幾繁重都好，都要抽下時間同老友食下飯傾下計，可能短短兩個鍾，已經可以令到煩擾你一星期嘅郁悶煙消雲散！
更多打工仔分享，追蹤 ECjobsonline 專頁 或 瀏覽 www.ECjobsonline.com