【不再老尷】如何打破職場dead air
刊登日期: 2017-08-28
出嚟做嘢，最怕就係要同啲三唔識七既人social。大家啱嘴型、有兩句就話啫！如果冇乜嘢好講、面阻阻就真係好老尷！夾硬搵啲嘢嚟傾好似好勉強、好虛偽咁；但唔講嘢、dead air就仲核突，應該點算至好？
1. 多發問
問問題，特別係針對對方專業的範疇嚟發問，絕對係一個寒暄、打交道好方法，事關一問一答過程，可以增加雙方的互動；詢問對方專業上的事項，亦可以讓對方產生優越感；聆聽對方說話既同時，你更可以搵位加以追問，唔怕冇嘢講落去，例如你知道對方請咗假，你就可以問佢會唔會去邊度玩，再分享你去旅行經歷；如果你知道你同事跟緊一個大project好忙、好辛苦，你可以問對方進度如何、project內容、以往既經驗等等。一路咁樣延伸落去，講下講下就會愈講愈多架喇！
2. 盡量不要以單字回答問題
人哋問你嘢，你會唔會成日都淨係識得答「係啊」、「唔知啊」、「係囉」、「嗯」、「哦」呢？其實dead air的形成，好多時都係因為問答的內容太空泛。你答單字係就係簡而精，但就會搞到對方一時之間唔知點回應，場面變得好尷尬。下次答人問題嗰時，不妨答得詳盡啲，多啲表達自己，大家既對話自然就會豐富好多！
3. 以周邊環境作題材
如果真係搵唔到話題傾，不妨無聊啲，搵下身邊有咩嘢可以講，例如傾下附近有咩新餐廳開咗，遲下可以一齊去試、近排見到好多人上嚟見工，討論下邊個部門請緊人、最近有邊套電影大獲好評、邊隻指甲油好用等等。啲話題係就係冇乜營養，不過點都好過dead air、大家你眼望我眼啦！
4. 表達你傾談的意願，勿只顧睇手機
好多人唔知講咩既時候就會低頭禁手機，意圖搵個藉口唔同對方講嘢；而對方見到你碌手機，冇乜癮就會跟住禁，最後大家就會形同陌生人一樣疏離。唔想產生dead air？第一步就係唔好以睇手機為由嚟逃避溝通。你願意釋出善意、表示自己樂意聽取他人的故事，對方先會感受到你都係有心想繼續同佢傾落去。
出去social最怕就係同人dead air！其實口就生喺人度，唔想dead air？出句聲就咩都解決曬啦！而家仲教埋你點樣打破職場dead air，以後同人傾計，你就冇藉口話冇嘢講啦！
更多打工仔分享，追蹤 ECjobsonline 專頁 或 瀏覽 www.ECjobsonline.com
文：Noelle
刊登日期: 2017-08-28
出嚟做嘢，最怕就係要同啲三唔識七既人social。大家啱嘴型、有兩句就話啫！如果冇乜嘢好講、面阻阻就真係好老尷！夾硬搵啲嘢嚟傾好似好勉強、好虛偽咁；但唔講嘢、dead air就仲核突，應該點算至好？
1. 多發問
問問題，特別係針對對方專業的範疇嚟發問，絕對係一個寒暄、打交道好方法，事關一問一答過程，可以增加雙方的互動；詢問對方專業上的事項，亦可以讓對方產生優越感；聆聽對方說話既同時，你更可以搵位加以追問，唔怕冇嘢講落去，例如你知道對方請咗假，你就可以問佢會唔會去邊度玩，再分享你去旅行經歷；如果你知道你同事跟緊一個大project好忙、好辛苦，你可以問對方進度如何、project內容、以往既經驗等等。一路咁樣延伸落去，講下講下就會愈講愈多架喇！
2. 盡量不要以單字回答問題
人哋問你嘢，你會唔會成日都淨係識得答「係啊」、「唔知啊」、「係囉」、「嗯」、「哦」呢？其實dead air的形成，好多時都係因為問答的內容太空泛。你答單字係就係簡而精，但就會搞到對方一時之間唔知點回應，場面變得好尷尬。下次答人問題嗰時，不妨答得詳盡啲，多啲表達自己，大家既對話自然就會豐富好多！
3. 以周邊環境作題材
如果真係搵唔到話題傾，不妨無聊啲，搵下身邊有咩嘢可以講，例如傾下附近有咩新餐廳開咗，遲下可以一齊去試、近排見到好多人上嚟見工，討論下邊個部門請緊人、最近有邊套電影大獲好評、邊隻指甲油好用等等。啲話題係就係冇乜營養，不過點都好過dead air、大家你眼望我眼啦！
4. 表達你傾談的意願，勿只顧睇手機
好多人唔知講咩既時候就會低頭禁手機，意圖搵個藉口唔同對方講嘢；而對方見到你碌手機，冇乜癮就會跟住禁，最後大家就會形同陌生人一樣疏離。唔想產生dead air？第一步就係唔好以睇手機為由嚟逃避溝通。你願意釋出善意、表示自己樂意聽取他人的故事，對方先會感受到你都係有心想繼續同佢傾落去。
出去social最怕就係同人dead air！其實口就生喺人度，唔想dead air？出句聲就咩都解決曬啦！而家仲教埋你點樣打破職場dead air，以後同人傾計，你就冇藉口話冇嘢講啦！
更多打工仔分享，追蹤 ECjobsonline 專頁 或 瀏覽 www.ECjobsonline.com
文：Noelle
請按此登錄後留言。未成為會員? 立即註冊