【古靈精怪】香港5個奇怪又冷門的行業

【古靈精怪】香港5個奇怪又冷門的行業
刊登日期: 2017-10-16


寵物飼料試食員、判斷雞仔性别專業人員、水上滑梯測試員、高爾夫球回收潛水員。你冇聽錯!以上咁多瓣都係職業嘅一種!而真係有人曾經或者現在係任職於這些工作 !有啲工種的薪水仲唔低添架!雖然大部份史上最騎呢的工作類型在香港未必搵得到,但香港而家都存在住一啲令人摸不着頭腦的工作!你又有冇聽過呢?

1. 品牌抄寫員
袐書開會時要做會議記錄、抄低重點 ; 記者做訪問時要抄低被訪者的答覆 ; 學生上堂時要抄低課堂筆記,以上呢啲抄寫動作都非常合理而常見,但要周圍走去唔同超市或者舖頭,搵到同一項產品的品牌和價格之後,影低同抄低左就走得人,大家又覺得筍唔筍呢?

2. 攀樹員
偶爾爬下樹大家就可能覺得幾新奇、幾好玩,但如果要你日日孭成幾十磅嘅架罉,爬勻曬全香港咁多棵樹,面對日曬雨淋都要去鋸樹、做保養,你又制唔制呢?而香港正正就係有一班人寓工作於娛樂,因為鐘意大自然同爬樹而入行做專業攀樹員,打風都要出去行動,真係辛苦曬!

3. 臨記嫌疑犯
警察叫被害人入鏡房認犯的場景,睇電視就見得多,但現實中邊嚟得咁多個嫌疑犯比你認?原來除左真正的犯人之外,其他人好多時都只係臨記嚟架咋!雖然人工唔高,但可以一嚐做演員的滋味,好似都幾好玩咁啵!

4. 神秘顧客
家下啲香港人都追求高尚的生活質素,對樣樣野的要求都零舍高啲,對於食肆和店舖的服務都非常講究,所以就衍生出神秘顧客這個行業,為求對外宣傳店家的優越的同時,可以改善他們的不足,幫助他們進步。但要做到一個成功的神秘顧客,都唔係一件容易之事,每一位神秘顧客都富有專業精神,時刻處變不驚,應變能力高,厚住面皮都要扮曬麻煩客,你又做唔做到先?

5. 米芝蓮評級員
香港人鐘意周圍去食好野就係人都知,唔洗錢去食好野人人都恨啦 ! 每一年法國米芝蓮都會推出美食名單,而香港大部份的菜館都係由港人做番評賞員。有得食正野,相信好多人都唔能夠一心二用比評語,不過份工剩係需要負責食野,好似都諗得過喎!

世界總係充滿好多古怪、令人哭笑不得的事,連職業都可以出現騎呢工種。唔想日日坐office咁悶真係可以考慮下轉行喎,包你每日番工都充滿新鮮感啊!

文:Noelle

更多打工仔分享,追蹤 ECjobsonline 專頁 或 瀏覽 www.ECjobsonline.com

留言


請按此登錄後留言。未成為會員? 立即註冊
    快捷鍵:←
    快捷鍵:→