【WHS】荷蘭工作假期提供100個名額 精選

愈來愈多人去工作假期（working holiday），今日開始又多一個國家可以選擇。荷蘭昨日開始同香港簽署諒解備忘錄，設立雙邊工作假期計劃，成為第13個同香港簽訂工作假期嘅地區。計劃明年1月1日開始生效，兩地每年各提供100個名額，會資格（18至30歲）和興趣者不妨一試。
兩地每年各供100名額
政務司長張建宗噚日同荷蘭王國首相馬克‧呂特會面，其間見證勞工及福利局長羅致光（CK）同埋荷蘭駐香港總領事呂安微簽訂諒解備忘錄，兩地青年人日後就可以透過計劃申請簽證，喺荷蘭或香港逗留最多1年，到時可以打工掙取旅費，或者修讀短期課程。CK話計劃除咗可以擴闊視野，畀兩地青年喺外地文化下獲取生活及工作經驗，亦加強香港同荷蘭嘅雙邊關係。

香港自2001年起先後同澳洲、新西蘭、德國、英國、日本、加拿大、韓國、法國、愛爾蘭、奧地利、匈牙利、瑞典等12個國家訂立工作假期計劃，至今已經有超過8.5萬名個港青參加。
更多打工仔分享，追蹤 ECjobsonline 專頁 或 瀏覽 www.ECjobsonline.com