7種最難有拖拍職業

話曬都唔再係十八廿二，都係時候計劃吓將來，但係連另一半都未有，講咩將來啊？讀書嗰陣冇拖拍，諗住出嚟做嘢仲有機會啦！點知都係一啲戀愛運都冇！其實，冇拖拍，會唔會係同你份工有關呢？
1. 建造業
建造業本身已經少女仔入行，想話返工識吓女仔，都冇乜可能。出到街同人講自己做地盤，對方可能又會嫌自己一副麻甩佬形象，第一印象又衰咗。唉，其實依家建造業多咗人入行，份工都搵得幾多添架！女士們唔洗一聽到做地盤就即刻say no喎！

2. 老師
老師通常都係女性居多，識男仔嘅機會自然減少。做老師仲要成日開OT，改簿、開會、備課、補課、出卷、聽talk，一到考試時期更是24小時都唔夠用！你話喇！瞓都冇時間，仲邊有時間拍拖？有啲男士仲會好怕另一半係老師，會當佢係學生咁嚟教訓……
3. 記者
記者工作不定時，工作量大，仲要24小時on call，冇時間談戀愛之餘，仲試問邊有人想自己嘅另一半成日掛住做嘢，唔得閒理自己？就算想喺公司結識異性，最多都係畀你識到同你同一team嘅攝影師，其他人？個個長期唔喺office，friend都識唔到多個啦！

4. IT人
精通電子科技的人，好容易會畀人「宅男」的印象。長期對住電腦、電子儀器，無可否認可能真係會變得唔識同人溝通，特別是異性，識女朋友的機率自然大大減低！

5. 空中服務員/機師
空中服務員和機師成日都要飛嚟飛去，難識到異性不在話下，就算真係畀你有拖拍，都好難keep得長，始終唔係個個都可以接受到long d架嘛！冇乜時間見面，冇安全感，仲點維持落去呢？所以，可以寓工作於娛樂，成日周圍去旅行，有時都未必係一件好事嚟架！
6. 護士
做得護士嘅通常都係女性為主，以為返工可以識吓男醫生？咁你實在太天真喇！香港醫療界一直都缺乏人手，護士姑娘分分鐘要直踩兩、三更先有得返去抖吓，weekend同過時過節更加要留守醫院，仲邊有時間拍拖去街？仲未忙到氣絕身亡已經算好好！

7. 實驗人員
入lab做實驗、寫report、做研究，好多時都係一個人完成，仲要成日捱更抵夜，對住啲chemical仲多過對人，仲要滿口都是深奧的化學名，唔怪得嚇走曬啲人啦！

就嚟三十幾歲人都仲未有拖拍，唔一定係你條件唔好，可能只係你份工阻礙咗姻緣啫！不過，又唔洗搞到要轉工咁大件事嘅，多啲出去social、識朋友、主動啲，你嘅真命天子/女就一定會出現嘅！
文：Noelle

更多打工仔分享，追蹤 ECjobsonline 專頁 或 瀏覽 www.ecjobsonline.com