有唔少打工仔都唔妥佢老闆，每次畀佢激完，都恨不得即刻打封辭職信掉喺佢面前！不過，老闆令人惡頂嘅地方，又點止阻人收工咁簡單？睇吓一眾打工仔喺網上點講。
放工先嚟開會
打工仔每日最期待嘅，就係lunch time同收工，偏偏啲老闆就最鍾意喺呢兩個時間叫人做嘢：呢份文件urgent，你要食晏？冇問題啊！嗌外賣喺個位度食囉！一路食一路做慳返啲時間；各位同事唔好走住，有個臨時會要開，唔會阻大家好耐，最多claim返OT錢。What？其實我都係想簡簡單單、唔洗諗公事食個飯啫！Urgent你都唔好叫人食飯嗰陣做畀你啦！你食飯嗰陣有人搵你簽文件你都唔高興啦！仲有，其實大家都唔係好志在嗰少少OT錢，與其補水，不如畀我準時收工好過啦！
非工作時間叫人做嘢
都唔知啲老闆係太得閒，定係對工作太有熱誠，成日都收咗工，或者放假嗰陣send message畀人叫人做嘢，搞到人放假都要開工，放假明明應該係hea喺屋企，而唔係對住部電腦打proposal架嘛！老闆如果你急住要嘅，不如你自己做啦！
唔聽人意見
大部份老闆都係一意孤行、唔聽人意見嘅人，就算佢口頭上問你有咩idea，最後佢都係會ban曬大家，然之後叫大家run佢自己條橋。呢樣都唔係最差，最差係錯咗唔係入返佢自己數，而係卸落大家度，最後咪又係大家硬食，冇計啦！鬼叫佢先係老闆！
刻薄下屬
老闆為咗公司利益，真係幾刻薄都做得出：唔舒服？你打到電話返嚟請假即係仲有精神返工啦！請年假？我之前批咗？冇啊依家公司唔夠人，啲假同你hold起先，買曬機票？冇啊依家批唔到假畀你！你聽日準時返工啦！Claim錢？冇啊你啲單過曬期claim唔到！我都明老闆係應該要有老闆嘅威嚴，但你下下都做到咁mean、咁strict？我係下屬都反你啦！做老闆，有時要懶係nice咁體恤吓班同事，大家先會like你架嘛！
視員工為工具
你自己要爭業績、同其他公司鬥啫！都唔好拎班同事嚟較飛啊！佢哋都係人嚟架！一到旺季就chur盡班員工，要人日日OT到夜晚10點不但止，出咗錯仲要鬧要罰，我係員工都火滾、想辭職啦！話就話係請班人返嚟做嘢同幫公司賺錢，但都要有返啲人性架！唔係班員工點會心服口服咁幫你打工啊？
借啲意抽水
有部份老闆見到女同事條裙短啲，就眼甘甘咁望實人哋條腿唔放；有啲就鍾意講黃色笑話，搞到啲女同事尷尷尬尬就最開心；再唔係就兜口兜面笑女同事係飛機場、洗衫板，甚至借機摸人條腰，弊在對方係你老闆，佢就係睇死你唔敢出聲，所以咪蝦啲女同事蝦到上心口。
雞蛋裡挑骨頭
有種上司都唔知係死要面定係想挫一挫員工銳氣，無論份文件做得幾好，佢都係唔會開口讚你，而係點都要搵啲嘢嚟彈，例如話你有個字冇加s、邊個位冇隔行等等，真係聽到都反白眼。依家唔係叫你要盲讚，但員工做得好，上司給予適當的讚賞，佢哋先有動力繼續努力架嘛！
老闆和員工，好多嘢都係雙向嘅，你對人好，人哋自然會對返你好，有時唔洗對班員工咁harsh嘅，咩都有商有量，先係好老闆嚟架嘛！
https://www.ecjobsonline.com/news/4667/%E3%80%90%E7%B6%B2%E6%B0%91%E7%86%B1%E8%A9%B1%E3%80%91%E6%89%93%E5%B7%A5%E4%BB%94%E7%B4%B0%E6%95%B8%E8%80%81%E9%97%867%E4%BB%B6%E6%9C%80%E6%83%A1%E9%A0%82%E7%9A%84%E4%BA%8B.html
放工先嚟開會
打工仔每日最期待嘅，就係lunch time同收工，偏偏啲老闆就最鍾意喺呢兩個時間叫人做嘢：呢份文件urgent，你要食晏？冇問題啊！嗌外賣喺個位度食囉！一路食一路做慳返啲時間；各位同事唔好走住，有個臨時會要開，唔會阻大家好耐，最多claim返OT錢。What？其實我都係想簡簡單單、唔洗諗公事食個飯啫！Urgent你都唔好叫人食飯嗰陣做畀你啦！你食飯嗰陣有人搵你簽文件你都唔高興啦！仲有，其實大家都唔係好志在嗰少少OT錢，與其補水，不如畀我準時收工好過啦！
非工作時間叫人做嘢
都唔知啲老闆係太得閒，定係對工作太有熱誠，成日都收咗工，或者放假嗰陣send message畀人叫人做嘢，搞到人放假都要開工，放假明明應該係hea喺屋企，而唔係對住部電腦打proposal架嘛！老闆如果你急住要嘅，不如你自己做啦！
唔聽人意見
大部份老闆都係一意孤行、唔聽人意見嘅人，就算佢口頭上問你有咩idea，最後佢都係會ban曬大家，然之後叫大家run佢自己條橋。呢樣都唔係最差，最差係錯咗唔係入返佢自己數，而係卸落大家度，最後咪又係大家硬食，冇計啦！鬼叫佢先係老闆！
刻薄下屬
老闆為咗公司利益，真係幾刻薄都做得出：唔舒服？你打到電話返嚟請假即係仲有精神返工啦！請年假？我之前批咗？冇啊依家公司唔夠人，啲假同你hold起先，買曬機票？冇啊依家批唔到假畀你！你聽日準時返工啦！Claim錢？冇啊你啲單過曬期claim唔到！我都明老闆係應該要有老闆嘅威嚴，但你下下都做到咁mean、咁strict？我係下屬都反你啦！做老闆，有時要懶係nice咁體恤吓班同事，大家先會like你架嘛！
視員工為工具
你自己要爭業績、同其他公司鬥啫！都唔好拎班同事嚟較飛啊！佢哋都係人嚟架！一到旺季就chur盡班員工，要人日日OT到夜晚10點不但止，出咗錯仲要鬧要罰，我係員工都火滾、想辭職啦！話就話係請班人返嚟做嘢同幫公司賺錢，但都要有返啲人性架！唔係班員工點會心服口服咁幫你打工啊？
借啲意抽水
有部份老闆見到女同事條裙短啲，就眼甘甘咁望實人哋條腿唔放；有啲就鍾意講黃色笑話，搞到啲女同事尷尷尬尬就最開心；再唔係就兜口兜面笑女同事係飛機場、洗衫板，甚至借機摸人條腰，弊在對方係你老闆，佢就係睇死你唔敢出聲，所以咪蝦啲女同事蝦到上心口。
雞蛋裡挑骨頭
有種上司都唔知係死要面定係想挫一挫員工銳氣，無論份文件做得幾好，佢都係唔會開口讚你，而係點都要搵啲嘢嚟彈，例如話你有個字冇加s、邊個位冇隔行等等，真係聽到都反白眼。依家唔係叫你要盲讚，但員工做得好，上司給予適當的讚賞，佢哋先有動力繼續努力架嘛！
老闆和員工，好多嘢都係雙向嘅，你對人好，人哋自然會對返你好，有時唔洗對班員工咁harsh嘅，咩都有商有量，先係好老闆嚟架嘛！
https://www.ecjobsonline.com/news/4667/%E3%80%90%E7%B6%B2%E6%B0%91%E7%86%B1%E8%A9%B1%E3%80%91%E6%89%93%E5%B7%A5%E4%BB%94%E7%B4%B0%E6%95%B8%E8%80%81%E9%97%867%E4%BB%B6%E6%9C%80%E6%83%A1%E9%A0%82%E7%9A%84%E4%BA%8B.html
請按此登錄後留言。未成為會員? 立即註冊