見工難題逐處捉 呢啲問題你點答？

見工不時遇到一啲難答嘅問題，唔想俾HR問到口啞啞，睇下以下4個例子幫唔幫到你啦：
1．「你最叻嘅長處係咩呢？」
依條問題係問緊你有乜嘢係你好叻嘅，點樣叻到配合到你in緊嘅嗰個位。當你答緊依條問題嗰陣，諗下你優點嘅質素，而唔係數量。換句話講，唔好抛一堆形容詞出嚟。反而，你應該揀一兩個特定嘅特點，係同你見緊嘅職位相關嘅，然之後搵啲例子講下依啲個人特質。故事總係比輕描淡寫更加深刻嘅。如果有啲嘢之前無講而你想提及嘅，又可以令你聽落去係一個更好嘅求職者嗰陣，依個就會係一個完美嘅時間。

2．「你最大嘅專業成就係咩呢？」
展示出以往工作嘅一堆成就，就係叫人請你嘅最大證據，所以當人問你依條問題嗰陣唔洗怕醜嘅。一個最好嘅方法就係STAR方法：situation（情境）、task（工作）、action（行動）同埋results（結果）。係個interview入面，為你嘅interviewer提供個工作情境而你需要完成嘅工作。例如：「係我上一份junior analyst，我係負責invoicing process。」然後形容下你做過啲乜嘢（行動）同埋你達成咗啲乜嘢（結果）。例如：「係一個月入面，我加快咗成個進程，令我嘅員工每月減少咗10個鐘嘅工作時間，而且出錯率減少咗25%。」
3．「有咩時候你發揮到領導能力？」
你唔需要一個好出位嘅職銜，去成為一個領袖或者展示你嘅領導能力。試回想翻有冇一個時間你係帶領著一個project，主動帶頭去做一個轉變，或者係鼓勵你條team做過乜嘢。咁你就可以用STAR方法去話俾你嘅interviewer聽一個故事，俾多啲細節去描繪出成個情境（但又唔好講太多無聊嘢），而且記住要講得出個結果。換句話講，你要清楚知道你講依個故事嘅原因，然後為個interviewer連結所有嘅點同線。

4．「你對上一次唔同意一個工作上嘅決定係幾時？」
依條問題嘅背後意思就係想睇你點樣係一個專業嘅情況下處理反對聲音同埋由依個經驗入面學到啲乜嘢。記住要留意你個答案係點樣開始同埋點樣結尾。要開始嗰陣，首先用一句短句去俾你嘅答案一個框架，即係一個可以配合你答案嘅原因，又或者顯得出你專業有禮嘅回應。例如：「係我嘅專業生涯開頭我就學習到，如果你有數據支持嘅話，你就可以順利成章咁提出反對意見。」然後，你要有一個清晰嘅堅尾，你可以就咁用一句總結（「總括嚟講」），又或者係講下你係點樣由依個經驗到學到一啲技巧，係可以幫助到你見緊嗰個職位嘅。
見工遇著棘手問題真係好煩，不過睇完上面4個例子，係咪又有翻啲信心呢？好好準備啦。

💡更多關於打工仔日常分享及資訊，📱立即追蹤ECjobsonline專頁 或 💻瀏覽 www.ECjobsonline.com

文章來源:https://www.ecjobsonline.com/news/4020/%E2%80%8B%E8%A6%8B%E5%B7%A5%E9%9B%A3%E9%A1%8C%E9%80%90%E8%99%95%E6%8D%89--%E5%91%A2%E5%95%B2%E5%95%8F%E9%A1%8C%E4%BD%A0%E9%BB%9E%E7%AD%94%EF%BC%9F.html