想升職加薪？先要識得取悅上司

職場上人際關係是十分重要嘅一環，得到上司欣賞同認同亦一定是一件好事，但要得到賞識並唔係一味對主管盲「擦鞋」，究竟點樣先可以成功取悅上司？
遵守職場倫理
上司始於係上司，對一般同事我地可以相處得好似朋友咁，互信互諒。但對住上司同主管，最好都帶有一點尊敬，令佢地覺得自己有被尊重嘅感覺。當你可以做好自己位置應盡嘅任務同責任果時，你嘅上司就會自然覺得你識得應對進退。

努力付出，不問收穫
職場上最忌就係太計較付出同收穫嘅關係，全心全力嘅付出唔單只可以令到你做嘅工作盡善盡美，得到上司嘅讚賞，更加可以俾自己快速累積經驗同成長。最後你嘅主管都會願意俾你更多嘅機會去一展你嘅所長。收穫到最後都一定會嚟到，正所謂一分耕耘，一分收穫。
協助主管
最後，大家應該喺工作上盡力配合你嘅上司，唔好同佢地對立。但並唔喺唔可以持不同嘅意見，而喺要識得喺有不同意見嘅時候，要作出主動嘅溝通同了解，協助上司尋找一個最好嘅解決方案。令佢覺得你喺佢值得信任嘅人，好自然你就會得到佢嘅賞識同幫助。

無論升職加薪是不是你目標，都應該視上司同主管為自己的貴人。因為同佢地有良好嘅工作關係，對你日後的仕途肯定無往而不利！

💡更多關於打工仔日常分享及資訊，📱立即追蹤ECjobsonline專頁 或 💻瀏覽 www.ECjobsonline.com

文章來源:https://www.ecjobsonline.com/news/1236/%E6%83%B3%E5%8D%87%E8%81%B7%E5%8A%A0%E8%96%AA%EF%BC%9F%E5%85%88%E8%A6%81%E8%AD%98%E5%BE%97%E5%8F%96%E6%82%85%E4%B8%8A%E5%8F%B8.html