【最重要的小事】5個一定要堅持的職場習慣

返工返得耐，好多時都會對一啲應有的職場習慣感到麻木，甚至覺得冇遵守的必要，但其實呢啲基本的職場禮儀，對你整個的職場生涯都非常重要，絕對唔能夠忽視！
1. 守時
聽落好basic，但今時今日仲有幾多人返工、約人、見客係唔會遲到嘅呢 ? 就算冇遲到，咁工作又能否經常準時完成呢 ? 守時係基本，早到更加係美德。一個人的時間觀念，絕對可以反映出佢的誠意，更可以知道佢對工作有幾上心。

2. 禮多人不怪
可能你會覺得同班同事咁熟，唔洗下下都唔該前唔該後嘅，但其實對方聽到感謝的說話，都會因為覺得幫到人而特別窩心。查實一句「請」、「唔該」、「多謝」、「唔好意思」有幾難講出口呢 ? 不如由今日開始，學會多感恩生活上遇見的好人好事啦！
3. 衣著儀容整齊得體
唔少人頭嗰幾日番工都會着得特別整齊，但慢慢就會覺得着成點都冇咩所謂，恤衫唔洗點熨啦！唔洗打呔啦！唔洗化妝啦！戴副眼鏡咩都遮曬啦！呢種得過且過的態度，只會讓人覺得你不尊重場合，更不尊重自己！其實打扮得靚一靚番工，個人更加有活力啦！衣著儀容唔可以懶架！

4. 大方請同事吃飯
唔一定要係新入職先要請同事食飯嘅，平日你請下我、我請下你，彼此建立更親厚密切的關係，大家喺公事上就可以更加有默契啦！

5. 不抱怨不傳是非
番工點都會有辛苦的時候，抱怨唔係解決問題的方法，行動才能化解眼前的困難。另外，唔好因為與同事熟絡的關係而主動向對方講公司的不是或者講人壞話，更加唔好吹噓自己，遇上八卦的同事，或者工作上有不順，都應保持沉默，才是應對是非的最佳方法。
你有幾耐冇同過同事講聲「多謝」呢 ? 向同事表達謝意看似是很多餘的事，但這些都是身為打工仔，應該堅持的職場習慣啊！

💡更多關於打工仔日常分享及資訊，📱立即追蹤ECjobsonline專頁 或 💻瀏覽 www.ECjobsonline.com

文章來源:https://www.ecjobsonline.com/news/1947/%E2%80%8B%E3%80%90%E6%9C%80%E9%87%8D%E8%A6%81%E7%9A%84%E5%B0%8F%E4%BA%8B%E3%80%915%E5%80%8B%E4%B8%80%E5%AE%9A%E8%A6%81%E5%A0%85%E6%8C%81%E7%9A%84%E8%81%B7%E5%A0%B4%E7%BF%92%E6%85%A3.html