（寫俾未中毒既你）超簡單黑膠入門心得
毛明
（photo via cc Flickr user Chris Marchant）
每次同一啲較少聽歌／冇玩黑膠既朋友講自己聽黑膠，佢地既反應都常都係——
「有錢仔！」
「咩依家仲有人聽黑膠架？」
「咁你係咪好鍾意聽鄧麗君／蔡琴？」
「要飲埋紅酒先夠品味喎！」
「聽黑膠咁老土，聽CD／mp3咪得囉」
「黑膠係咪真係靚聲啲？」
我出世既年代，正正就係黑膠沒落既年代，我未感受過我出世之前既黑膠世界係點，我只知道我大個左之後，大家都覺得聽黑膠既人一定係「好有錢」，或者一定係「品味撚」，而係呢個年代仲會聽黑膠既人，如果唔係老土、唔係有錢，就一定係扮野，總之就將聽黑膠視為一件唔尋常既事。不過唔知邊度吹出黎既風，近年好多賣唱盤既廠都積極推動大家買入門唱盤，歌手、唱片公司亦樂意推出黑膠唱片，令到「黑膠」呢樣野無端端又時興番，依家聽黑膠既「入門門檻」唔係大家想像中咁高，唔需要「好有錢」、「好有品味」先聽得（嗯，呢兩樣野我都想有）。
入門級，即係entry-level，對唔同人黎講定義可以差好遠。你上果啲音響討論區，班師兄實同你吹到一部黑膠唱盤要皮幾兩皮野先至係正路，得果三幾千蚊就儲多陣錢先玩啦，講真，有錢我實想玩得勁啲架，問題係我冇嘛。但你去hmv，又會見到有啲七彩繽紛摺埋一舊、一千蚊左右既唱機，果啲除左落支針齋播之外就咩都冇，方位角、針壓、抗滑（技術野自己Google），全部都冇得set，好處係咩都唔洗煩，就咁插個喇叭就聽得，壞處係大家一般都只當呢啲係玩具，連入門都稱唔上。平心而論，如果你買機只係因為屋企有堆碟（通常都係老豆老母以前買落、又唔捨得扔果啲），用千幾蚊買部玩具解放下呢堆碟係OK既，但如果你預計自己之後仲會買碟，甚至會upgrade下器材，唔係玩玩下既話，咁你應該考慮下二千蚊至四千蚊呢個range既唱盤，呢個係我心目中合理既「入門價」。
你或者會問：「做咩好地地買開CD果班會去哂買黑膠？」我相信呢樣野同唱片市場好有關係。大家都知今時今日已經唔多人買CD，大家一係download，一係streaming，賣CD實在搵唔到食。既然CD已死，咁唱片公司就自然要另覓財路，搵方法谷下實體唱片銷量，結果佢地選擇翻炒黑膠。又調番轉黎講，唱片公司谷人買黑膠，買開CD果班見黑膠聲又靚啲、樣又靚啲、又值錢啲，加上CD係通漲既影響下，售價已經直逼黑膠，而且唔少新黑膠仲會送mp3（即係廢埋CD僅餘既武功）、甚至送CD，咁大家就自然去哂買黑膠，同CD講拜拜。
自從我2012為左聽智利才俊Nicolas Jaar隻《Space Is Only Noise》黑膠而買左個唱盤之後，依家行唱片店（我已經開始改口唔叫「CD鋪」）見到啲CD，真係唔係好買得落，因為實在太有比較。基本上，依家好多外國歌手出新碟，除左印CD之外，都會印黑膠，外國樂迷買黑膠可以話係常態。但係香港，出黑膠既歌手大多數都係天碟歌手（即係所謂高檔野）、經典天王天后（即係所謂老餅野）、或者係獨立樂團（即係所謂冇咩人識既野），搞到聽黑膠好似好唔主流、好唔現代咁，加上最積極推動黑膠文化既hmv又賣到啲野鬼死咁貴，搞到黑膠普及極都仲係好似離一般人好遙遠，我極懷疑咁推法到底work唔work。
坦白講，我一開始聽膠，只係貪隻碟轉下轉下勁得意，黑膠「靚聲」對我黎講同見到任何男／女人都嗌「靚仔／女」差唔多，加上我睡房set音響器材都入門到唔入門，我從來唔認為我有資格同果班有錢發燒友平起平坐講究靚聲。不過黑膠同CD既音色，一般人就算唔刻意去聽，就算冇咩高級器材，其實都唔難聽得出，而且聽過之後都會番唔到轉頭。一般而言，除非隻碟既製作出左問題，否則係大部分情況下，聽黑膠都會好聽過聽CD/mp3，可以聽多好多細節，令你更加容易欣賞唔同音樂。前排買左《Birdman（飛鳥俠）》隻OST番黎聽，啲鼓真係不得鳥，絕對唔係用Tidal塞住隻耳聽無損檔可比擬。岔開少少講，Tidal走high-end串流路線，諗住無損音檔可以吸引到有錢玩hi-fi果班樂迷，但佢地有部諗過呢班有錢佬既然都玩得起高級音響，追求既係終極靚聲，咁無損音檔既靚聲鬥唔鬥得過黑膠先？
由於業界幾經辛苦先谷得番起黑膠個勢，加上呢一代既樂迷經歷過黑膠既重新洗禮，知道黑膠係好野，黑膠供求短期內應該只會有升冇跌，依家開始多廠出番唱盤攻佔市場，入門唱盤選擇愈黎愈多，價錢亦唔會太貴。去一轉中環hmv，你會見到大把入門盤，好似Audio Technica、Pro-ject、TEAC，各有特色，可以慢慢比較，再唔係去鴨記、旺角友誠都有其他盤，好似Sherwood、Numark，隨時有驚喜。而講到唱盤界既經典，當然要數到已經絕版既Technics SL-1200 mk2，歷史悠久，超多野玩，就算二手都唔平，但買左一定冇後悔。初步技術野我就唔講喇，Turntable Lab幫到你。
至於去邊到買碟，我會話人一世物一世，你點都會係hmv破一次財架喇，人地鋪租咁貴、又豪裝一輪，咪買隻碟幫補下人地囉。雖然我成日呻hmv啲野貴、搵笨，但我一直都覺得佢係推波助瀾呢方面係功不可沒既，至少我比人扼錢都扼得心甘命抵。當然你唔可能下下幾舊水幾舊水咁進貢比hmv，其實旺角、深水埗大把平野可以買，我買開indie野就鍾意去Zoo Records、White Noise Records，想平平地搵二手碟既，去鴨寮街搵阿Paul又得，去Facebook個二手唱片谷幫襯都可以。如果搵勻成個香港都冇想要既野，上Amazon、Discogs、eBay搵啦，尤其係Discogs，絕對毒得死你。買得多，你就會知邊度有好野買。
同朋友講買唱盤、買唱片，通常佢地都會話屋企冇位。的確，香港地地方淺窄，而黑膠又大大隻，真係幾哂位，但我覺得位呢啲野，你肯執就點都會有少少既。如果你碟唔多，最簡單既做法係買個ikea既Kallax層架，四四正正，大細fit哂放黑膠，櫃頂仲有個平面可以放唱盤，夠哂簡潔，幾乎每個收藏黑膠既人屋企都有個咁既架。岩岩買盤既人，唔洗急住買好多碟去試機，間唔中買一隻、兩隻、三隻、四隻，買下買下，一年之後你會有好多碟聽，之後你就會好似我咁，明明唔係資深膠友，都會寫篇咁既野出黎毒／誤導人架喇。
毛明
（photo via cc Flickr user Chris Marchant）
每次同一啲較少聽歌／冇玩黑膠既朋友講自己聽黑膠，佢地既反應都常都係——
「有錢仔！」
「咩依家仲有人聽黑膠架？」
「咁你係咪好鍾意聽鄧麗君／蔡琴？」
「要飲埋紅酒先夠品味喎！」
「聽黑膠咁老土，聽CD／mp3咪得囉」
「黑膠係咪真係靚聲啲？」
我出世既年代，正正就係黑膠沒落既年代，我未感受過我出世之前既黑膠世界係點，我只知道我大個左之後，大家都覺得聽黑膠既人一定係「好有錢」，或者一定係「品味撚」，而係呢個年代仲會聽黑膠既人，如果唔係老土、唔係有錢，就一定係扮野，總之就將聽黑膠視為一件唔尋常既事。不過唔知邊度吹出黎既風，近年好多賣唱盤既廠都積極推動大家買入門唱盤，歌手、唱片公司亦樂意推出黑膠唱片，令到「黑膠」呢樣野無端端又時興番，依家聽黑膠既「入門門檻」唔係大家想像中咁高，唔需要「好有錢」、「好有品味」先聽得（嗯，呢兩樣野我都想有）。
入門級，即係entry-level，對唔同人黎講定義可以差好遠。你上果啲音響討論區，班師兄實同你吹到一部黑膠唱盤要皮幾兩皮野先至係正路，得果三幾千蚊就儲多陣錢先玩啦，講真，有錢我實想玩得勁啲架，問題係我冇嘛。但你去hmv，又會見到有啲七彩繽紛摺埋一舊、一千蚊左右既唱機，果啲除左落支針齋播之外就咩都冇，方位角、針壓、抗滑（技術野自己Google），全部都冇得set，好處係咩都唔洗煩，就咁插個喇叭就聽得，壞處係大家一般都只當呢啲係玩具，連入門都稱唔上。平心而論，如果你買機只係因為屋企有堆碟（通常都係老豆老母以前買落、又唔捨得扔果啲），用千幾蚊買部玩具解放下呢堆碟係OK既，但如果你預計自己之後仲會買碟，甚至會upgrade下器材，唔係玩玩下既話，咁你應該考慮下二千蚊至四千蚊呢個range既唱盤，呢個係我心目中合理既「入門價」。
你或者會問：「做咩好地地買開CD果班會去哂買黑膠？」我相信呢樣野同唱片市場好有關係。大家都知今時今日已經唔多人買CD，大家一係download，一係streaming，賣CD實在搵唔到食。既然CD已死，咁唱片公司就自然要另覓財路，搵方法谷下實體唱片銷量，結果佢地選擇翻炒黑膠。又調番轉黎講，唱片公司谷人買黑膠，買開CD果班見黑膠聲又靚啲、樣又靚啲、又值錢啲，加上CD係通漲既影響下，售價已經直逼黑膠，而且唔少新黑膠仲會送mp3（即係廢埋CD僅餘既武功）、甚至送CD，咁大家就自然去哂買黑膠，同CD講拜拜。
自從我2012為左聽智利才俊Nicolas Jaar隻《Space Is Only Noise》黑膠而買左個唱盤之後，依家行唱片店（我已經開始改口唔叫「CD鋪」）見到啲CD，真係唔係好買得落，因為實在太有比較。基本上，依家好多外國歌手出新碟，除左印CD之外，都會印黑膠，外國樂迷買黑膠可以話係常態。但係香港，出黑膠既歌手大多數都係天碟歌手（即係所謂高檔野）、經典天王天后（即係所謂老餅野）、或者係獨立樂團（即係所謂冇咩人識既野），搞到聽黑膠好似好唔主流、好唔現代咁，加上最積極推動黑膠文化既hmv又賣到啲野鬼死咁貴，搞到黑膠普及極都仲係好似離一般人好遙遠，我極懷疑咁推法到底work唔work。
坦白講，我一開始聽膠，只係貪隻碟轉下轉下勁得意，黑膠「靚聲」對我黎講同見到任何男／女人都嗌「靚仔／女」差唔多，加上我睡房set音響器材都入門到唔入門，我從來唔認為我有資格同果班有錢發燒友平起平坐講究靚聲。不過黑膠同CD既音色，一般人就算唔刻意去聽，就算冇咩高級器材，其實都唔難聽得出，而且聽過之後都會番唔到轉頭。一般而言，除非隻碟既製作出左問題，否則係大部分情況下，聽黑膠都會好聽過聽CD/mp3，可以聽多好多細節，令你更加容易欣賞唔同音樂。前排買左《Birdman（飛鳥俠）》隻OST番黎聽，啲鼓真係不得鳥，絕對唔係用Tidal塞住隻耳聽無損檔可比擬。岔開少少講，Tidal走high-end串流路線，諗住無損音檔可以吸引到有錢玩hi-fi果班樂迷，但佢地有部諗過呢班有錢佬既然都玩得起高級音響，追求既係終極靚聲，咁無損音檔既靚聲鬥唔鬥得過黑膠先？
由於業界幾經辛苦先谷得番起黑膠個勢，加上呢一代既樂迷經歷過黑膠既重新洗禮，知道黑膠係好野，黑膠供求短期內應該只會有升冇跌，依家開始多廠出番唱盤攻佔市場，入門唱盤選擇愈黎愈多，價錢亦唔會太貴。去一轉中環hmv，你會見到大把入門盤，好似Audio Technica、Pro-ject、TEAC，各有特色，可以慢慢比較，再唔係去鴨記、旺角友誠都有其他盤，好似Sherwood、Numark，隨時有驚喜。而講到唱盤界既經典，當然要數到已經絕版既Technics SL-1200 mk2，歷史悠久，超多野玩，就算二手都唔平，但買左一定冇後悔。初步技術野我就唔講喇，Turntable Lab幫到你。
至於去邊到買碟，我會話人一世物一世，你點都會係hmv破一次財架喇，人地鋪租咁貴、又豪裝一輪，咪買隻碟幫補下人地囉。雖然我成日呻hmv啲野貴、搵笨，但我一直都覺得佢係推波助瀾呢方面係功不可沒既，至少我比人扼錢都扼得心甘命抵。當然你唔可能下下幾舊水幾舊水咁進貢比hmv，其實旺角、深水埗大把平野可以買，我買開indie野就鍾意去Zoo Records、White Noise Records，想平平地搵二手碟既，去鴨寮街搵阿Paul又得，去Facebook個二手唱片谷幫襯都可以。如果搵勻成個香港都冇想要既野，上Amazon、Discogs、eBay搵啦，尤其係Discogs，絕對毒得死你。買得多，你就會知邊度有好野買。
同朋友講買唱盤、買唱片，通常佢地都會話屋企冇位。的確，香港地地方淺窄，而黑膠又大大隻，真係幾哂位，但我覺得位呢啲野，你肯執就點都會有少少既。如果你碟唔多，最簡單既做法係買個ikea既Kallax層架，四四正正，大細fit哂放黑膠，櫃頂仲有個平面可以放唱盤，夠哂簡潔，幾乎每個收藏黑膠既人屋企都有個咁既架。岩岩買盤既人，唔洗急住買好多碟去試機，間唔中買一隻、兩隻、三隻、四隻，買下買下，一年之後你會有好多碟聽，之後你就會好似我咁，明明唔係資深膠友，都會寫篇咁既野出黎毒／誤導人架喇。
請按此登錄後留言。未成為會員? 立即註冊