黑膠新手入門系列 -唱臂安裝需知(講解篇)

上次講到安裝唱頭既準備工具同埋所需要特別注意既事項，咁裝完一個唱頭要點做呢?

咁就梗係到裝唱臂啦，裝唱臂有3點要特別注意，第一點係唱臂同唱盤係有個標準距離，英文就係mounting distance，當然每個唱盤都有唔同既標準。第二點係唱針同唱盤軸心既距離，叫超距，英文係Overhang。第三點就係有效距離，有效距離就係唱臂軸心同唱針既距離，這三點是環環相扣的關係。

咁咩叫mounting distance呢? mounting distance就是唱臂軸心到唱盤軸心既距離。咁點先知道佢既標準距離呢?其係睇番說明書就會有，如果唔見左既話，都可以上網睇番，網上都有好多資料，咁至於問要用咩工具量既話，可以用DR.既FEICKERT ANALOGUE。有D人會用間尺，都可以既，不過度身量做既工具會出現誤差既機會始終比較低，如果朋友有既話，建議可以問朋友借黎量一量。

咁量完mounting distance之後，將支臂裝左係固定位置啦，下一步就係調Overhang。不過係調超距之前，先同大家講下點解超距咁重要。每一支唱臂在設計時就已決定它的有效長度（Effective Length。針尖與唱臂軸心之間的直線距離）來讓循軌角度的失真達到最小。而超距的調整就是要得到最正確的唱臂有效長度。超距如果不對，最明顯的問題就 是唱針越唱到唱片內圈，雜音會越大，聲音會越難聽，因為各種循軌的失真都加大了。

講完超距點解重要之後，就要講點樣去調較超距，同mounting distance一樣，說明書都有哂資料，再唔係又係上網搵資料啦，工具可以用番DR.既FEICKERT ANALOGUE。不過如果係一D移動唔到唱臂既盤，想知道可以用咩工具既話，好多黑膠專門店都有專門量超距既尺，功能無左一樣，咁價錢當然就平D啦~(之後詳細講點量度)

當mounting distance同超距都調好，有效距離就一定岩嫁啦，不過都要習慣性咁去睇下有效距離，因為黑膠始終係一環勾一環既玩意，每一步都要特別小心，每一點都要特別準確，咁呢3點都完成既話，基本上裝唱臂既基本步驟就7788啦。下一次會同大家講下唱頭同唱臂既微調。