上班下班呢回事 · Week004 有種關係叫「見工」

講東講西呢回事 於 28/07/2019 發表 收藏文章

上班下班呢回事 · Week004 有種關係叫「見工」
「下一站,創紀……」哎呀,要落車嘞……

今日又有一個可以令自己變嘅機會,因為今日有工去見嘞。見工呢樣嘢好得意,有啲人會好驚好緊張,但係我就有好唔同而且好奇怪嘅諗法。

每次見工都會特別打扮一下,著靚啲得嚟又襯番個場合氣氛,唔可以太over 亦唔可以太down to earth,成個過程盡量表現自己最好嘅一面,保持適度嘅笑容,得體得嚟又要獨特嘅舉止應對,想俾人留低一個最好嘅印象,如果自己都覺得啱嘅,就希望對方會想再見到自己,甚至先開聲留住自己。

點呀?係咪好似你啱啱識咗個男仔,同佢第一次约會咁,執靚啲扮斯文想俾個好印象佢呢,又想佢對自己有啲好感,然後大家考慮下會唔會開始發展一段長遠啲嘅關係。

相反,離開舊公司就好似因了解而要结束一段壞死嘅關係咁。再揾唔返再喺埋一齊嘅理由同埋passion。又如果揾到份新工先至再辭職呢,咁直投就係有第三者介入囉。諗到咁,見工其實真係少少緊張多多期待嘅幸福旅程。

返嚟現實啲,見工就好似再俾多一次肯定自己嘅機會。每次見工都可以睇返自己做過嘅嘢,又可以睇到自己點樣慢慢成長變成今日嘅自己,又可以認凊楚自己多一啲。懷缅下檢討下回味同啲ex嘅關係。

「你好,歡迎你今日嚟interview…..」

唔同嘅係,同你约會嘅唔一定係個男仔,好似我今次咁………
標籤: 見工  辭職  前度  ex  down to earth  關係  

留言


請按此登錄後留言。未成為會員? 立即註冊
    快捷鍵:←
    快捷鍵:→