繼續追夢La笨
好期待每年嘅四月，唔係因為係某人生日，亦唔係因為有長假期，而係好期待嘅頒獎典禮會將過去一年最精彩嘅電影擺晒出嚟，Show下Quali，又好似學期尾同你上番堂雞精班咁，等你知道上一年有乜又熱門，又有話題性嘅港產片。
當然唔少得嘅就係個show本身就極其好玩同好過癮。你諗下，全港最有計嘅人度出嚟嘅，點會唔得。所以，襯佢未被騎劫之前，睇多一年多一年。如果唔係邊有龍蝦上身兼上頭睇，又邊有青雲天蠶變咁大胆嘅現場特技睇呀！
電影從來就係夢工場，係俾人發夢嘅地方，有人發夢出名，有啲人做到，有啲人就會講：「我係一個演員…….」有啲人開始咗，停唔到，窮一生(真係貧窮個窮) 都希望等到有朝一日得到一啲所謂嘅成就？認同？有啲人就好幸福，用咗500到1000分嘅努力就得到即使唔算係「偉大」亦算係「好」嘅回報。又有啲好好彩嘅，啱啱出嚟就可以大大聲咁同人講：「我一定！一定會繼續努力做多啲好嘅作品比大家欣賞……」就記憶所及，之前都有好多人講過呢啲說話，但可以繼續努力嘅又有幾多個呢？唔係佢唔想，係佢無再遇到……中學時期，年年都有Singing Contest，我對呢味嘢不嬲都無乜感覺。忽然有一年，啲同學爭班別團體分，話有填詞比賽，叫我幫手填隻歌，咁就試咗唯一一次正正式式嘅二次創作，歌係用林志美嘅「風筝」，改咗個名叫做「光陰」，諗番起都臉紅。當時都幾認真對待呢個考驗㗎，雖然都知自己係流流地，個心情同態度就好似「食神」入面林雪咁認真，咁有heart，「溝埋做瀨尿牛丸吖笨！」實在係幾好玩。玩就無乜所謂，不過隔離班就有個女仔佢唔係玩㗎，佢填咗十首，係十首，就衰足十首，爆喊收場。正所謂，無期望就無失望，我喺呢個想法之內，佢都係喺呢個諗法之內，不過我無佢有……
緊接頒獎禮，4月份仲有個戲院日。全線戲院門票一律$30。今次想繼續提升追夢嘅熱血，所以就去撑女導演兼填詞人自資嘅自傳式故事。曾經聽人講過，「撑」本身係盲嘅，即係唔理性嘅，越撑就越純粹越感情用事越係有種浪漫感。故事其中有一句「唔係剩係你一個有夢想㗎」，提醒咗好多人其實或多或少都有夢想，有啲人好彩啲，有得堅持；有啲人無咁好彩，連堅持嘅機會都無；有啲人更唔好彩，甚至連選擇堅持或者放棄嘅自由都無。但係有啲最唔好彩嘅人，係連諗下嘅自由都無。所以，我唔覺得故事中個女主角有乜值得同情，佢其實好幸運，好幸福。佢可以選擇堅持，又可以選擇放棄，仲可以選擇逃避，咁仲想點呀！唔係要win埋先算happy ending嘛？有得揀有路行已經係好幸福嘅人生。唔信你睇下Gaza……反而，最佳女主角提名就正嘞今次。比起上次喺黄昏嘈喧吧閉，今次複雜層次內心感受做到晒，好多人都會俾你郁咗（move），粗累估計最少有一個個心跟住你上上落落……追夢人演追夢角色，究竟，邊個可以去得盡啲呢？仲可以自由諗下追唔追夢，剩係咁，就值得大家一齊動L一下啦！4232La笨！
好期待每年嘅四月，唔係因為係某人生日，亦唔係因為有長假期，而係好期待嘅頒獎典禮會將過去一年最精彩嘅電影擺晒出嚟，Show下Quali，又好似學期尾同你上番堂雞精班咁，等你知道上一年有乜又熱門，又有話題性嘅港產片。
當然唔少得嘅就係個show本身就極其好玩同好過癮。你諗下，全港最有計嘅人度出嚟嘅，點會唔得。所以，襯佢未被騎劫之前，睇多一年多一年。如果唔係邊有龍蝦上身兼上頭睇，又邊有青雲天蠶變咁大胆嘅現場特技睇呀！
電影從來就係夢工場，係俾人發夢嘅地方，有人發夢出名，有啲人做到，有啲人就會講：「我係一個演員…….」有啲人開始咗，停唔到，窮一生(真係貧窮個窮) 都希望等到有朝一日得到一啲所謂嘅成就？認同？有啲人就好幸福，用咗500到1000分嘅努力就得到即使唔算係「偉大」亦算係「好」嘅回報。又有啲好好彩嘅，啱啱出嚟就可以大大聲咁同人講：「我一定！一定會繼續努力做多啲好嘅作品比大家欣賞……」就記憶所及，之前都有好多人講過呢啲說話，但可以繼續努力嘅又有幾多個呢？唔係佢唔想，係佢無再遇到……中學時期，年年都有Singing Contest，我對呢味嘢不嬲都無乜感覺。忽然有一年，啲同學爭班別團體分，話有填詞比賽，叫我幫手填隻歌，咁就試咗唯一一次正正式式嘅二次創作，歌係用林志美嘅「風筝」，改咗個名叫做「光陰」，諗番起都臉紅。當時都幾認真對待呢個考驗㗎，雖然都知自己係流流地，個心情同態度就好似「食神」入面林雪咁認真，咁有heart，「溝埋做瀨尿牛丸吖笨！」實在係幾好玩。玩就無乜所謂，不過隔離班就有個女仔佢唔係玩㗎，佢填咗十首，係十首，就衰足十首，爆喊收場。正所謂，無期望就無失望，我喺呢個想法之內，佢都係喺呢個諗法之內，不過我無佢有……
緊接頒獎禮，4月份仲有個戲院日。全線戲院門票一律$30。今次想繼續提升追夢嘅熱血，所以就去撑女導演兼填詞人自資嘅自傳式故事。曾經聽人講過，「撑」本身係盲嘅，即係唔理性嘅，越撑就越純粹越感情用事越係有種浪漫感。故事其中有一句「唔係剩係你一個有夢想㗎」，提醒咗好多人其實或多或少都有夢想，有啲人好彩啲，有得堅持；有啲人無咁好彩，連堅持嘅機會都無；有啲人更唔好彩，甚至連選擇堅持或者放棄嘅自由都無。但係有啲最唔好彩嘅人，係連諗下嘅自由都無。所以，我唔覺得故事中個女主角有乜值得同情，佢其實好幸運，好幸福。佢可以選擇堅持，又可以選擇放棄，仲可以選擇逃避，咁仲想點呀！唔係要win埋先算happy ending嘛？有得揀有路行已經係好幸福嘅人生。唔信你睇下Gaza……反而，最佳女主角提名就正嘞今次。比起上次喺黄昏嘈喧吧閉，今次複雜層次內心感受做到晒，好多人都會俾你郁咗（move），粗累估計最少有一個個心跟住你上上落落……追夢人演追夢角色，究竟，邊個可以去得盡啲呢？仲可以自由諗下追唔追夢，剩係咁，就值得大家一齊動L一下啦！4232La笨！
請按此登錄後留言。未成為會員? 立即註冊