Day009 宿敵 · 浪漫
就好似你每場比賽都會碰到啲熟口熟面嘅人，有時呢啲人係唔關事嘅，有時呢啲人係你嘅對手; 如果你成日都因為撞到佢而影響到自己比賽成敗，呢種經常碰到熟口熟面嘅對手有個專有名詞 - 宿敵。
Team B扔咗個改建計畫出嚟; 用最潮嘅Co-working space做包装，走hi-tech年青創業路線，半hostel配套，瞓埋覺都仲得; 前期投放資金少，發展時間短，12至18個月搞掂，回報快，但利潤同設計都有局限。
我哋就sell重建; 湛新國際級現代設計，打造新中環，香港核心商業區2.0，先進科技配套，臨海無敵景觀，甲級商用地標，資金同時間投放較多，但預期回報及商譽增長可以最大化，透過呢個project嘅前膽性亦同時可確立公司喺業界嘅地位。
「我哋公司需要一個地標性嘅項目，亦唔可以過於傳统缺乏新意。呢個project你哋兩team一齊搞。Victor你嗰team take lead; Barbra 你哋team B creative啲喺co-working space 同埋gimmick嘢方面做support，就咁。」講呢番一鎚定音嘅說話嘅呢個，就係公司嘅大老板嘞。都話佢睇嘢好闊㗎啦。打理晒成個家族嘅生意，諗嘢又點會剩係諗我哋嗰沾(音讀: 浸)吖。大老板家族喺早年好風光，依家算係家庭式中型地產商。手頭上嘅物業種類繁多，數目都唔少，市值肯定係億億聲，問題係十定係百啫。
「Richard，咁你哋跟住搞啦。Barbra，又要麻煩你哋嘞，唔該，辛苦哂。」老細講完呢句「辛苦晒」就急急腳懒忙咁走咗，咪又係趕住放lunch啫。
「你睇唔睇到呀?」又猜謎。
「老细？」
「佢happy就唔使講啦，佢嗰句「辛苦晒」呀？」睇到啦。
「唔？」
「Ba姐成磈面膠晒呀。」真係幾大鑊。
「老细嗰句直投當正同我哋做完briefing講拜拜咁，咁即係當正team B under佢。呢下入得Ba姐好應，唔膠就有鬼啦。」唉，做嘢啫，希望唔好搞到啲細嘅啦。
「我都估到大老板玩呢招㗎嘞，益咗你啦。」Ba姐會唔會怪佢呢？
「喂，開心到講唔到嘢呀？粒聲唔出咁。程小姐奉旨同你夾嘢喎，我都話幫你㗎啦。」玩啦玩啦，其他嘢又唔見你咁有興趣。
「未必係佢嘅。」佢點呢？
「唔係佢，唔通Ba姐自己上咩。呢啖氣隨時單project完咗佢都未消到，佢點會自己落手落腳俾你老細玩吖。年青人，你太年輕嘞。總之做好熱身啦，Ba姐無咁易俾我哋放甩㗎。」呢啲嘢我不嬲都唔理，咪又係Job一個。唔知點解而家個心有啲噏噏地，成個腦都諗緊啲唔知係乜嘅無謂嘢。
Joint team project即係仲未搣得甩個對手，不過宿敵呢樣嘢好得意，你唔一定會好討厭佢，相反，有時仲會有一啲好微妙嘅連系感覺，可能係你哋有共同相近嘅經歷先可以不停喺每一個唔同嘅點相遇。呢種敵對得嚟又相互了解嘅狀態其實好浪漫。就好似羅密歐與茱麗葉咁浪漫。
就好似你每場比賽都會碰到啲熟口熟面嘅人，有時呢啲人係唔關事嘅，有時呢啲人係你嘅對手; 如果你成日都因為撞到佢而影響到自己比賽成敗，呢種經常碰到熟口熟面嘅對手有個專有名詞 - 宿敵。
Team B扔咗個改建計畫出嚟; 用最潮嘅Co-working space做包装，走hi-tech年青創業路線，半hostel配套，瞓埋覺都仲得; 前期投放資金少，發展時間短，12至18個月搞掂，回報快，但利潤同設計都有局限。
我哋就sell重建; 湛新國際級現代設計，打造新中環，香港核心商業區2.0，先進科技配套，臨海無敵景觀，甲級商用地標，資金同時間投放較多，但預期回報及商譽增長可以最大化，透過呢個project嘅前膽性亦同時可確立公司喺業界嘅地位。
「我哋公司需要一個地標性嘅項目，亦唔可以過於傳统缺乏新意。呢個project你哋兩team一齊搞。Victor你嗰team take lead; Barbra 你哋team B creative啲喺co-working space 同埋gimmick嘢方面做support，就咁。」講呢番一鎚定音嘅說話嘅呢個，就係公司嘅大老板嘞。都話佢睇嘢好闊㗎啦。打理晒成個家族嘅生意，諗嘢又點會剩係諗我哋嗰沾(音讀: 浸)吖。大老板家族喺早年好風光，依家算係家庭式中型地產商。手頭上嘅物業種類繁多，數目都唔少，市值肯定係億億聲，問題係十定係百啫。
「Richard，咁你哋跟住搞啦。Barbra，又要麻煩你哋嘞，唔該，辛苦哂。」老細講完呢句「辛苦晒」就急急腳懒忙咁走咗，咪又係趕住放lunch啫。
「你睇唔睇到呀?」又猜謎。
「老细？」
「佢happy就唔使講啦，佢嗰句「辛苦晒」呀？」睇到啦。
「唔？」
「Ba姐成磈面膠晒呀。」真係幾大鑊。
「老细嗰句直投當正同我哋做完briefing講拜拜咁，咁即係當正team B under佢。呢下入得Ba姐好應，唔膠就有鬼啦。」唉，做嘢啫，希望唔好搞到啲細嘅啦。
「我都估到大老板玩呢招㗎嘞，益咗你啦。」Ba姐會唔會怪佢呢？
「喂，開心到講唔到嘢呀？粒聲唔出咁。程小姐奉旨同你夾嘢喎，我都話幫你㗎啦。」玩啦玩啦，其他嘢又唔見你咁有興趣。
「未必係佢嘅。」佢點呢？
「唔係佢，唔通Ba姐自己上咩。呢啖氣隨時單project完咗佢都未消到，佢點會自己落手落腳俾你老細玩吖。年青人，你太年輕嘞。總之做好熱身啦，Ba姐無咁易俾我哋放甩㗎。」呢啲嘢我不嬲都唔理，咪又係Job一個。唔知點解而家個心有啲噏噏地，成個腦都諗緊啲唔知係乜嘅無謂嘢。
Joint team project即係仲未搣得甩個對手，不過宿敵呢樣嘢好得意，你唔一定會好討厭佢，相反，有時仲會有一啲好微妙嘅連系感覺，可能係你哋有共同相近嘅經歷先可以不停喺每一個唔同嘅點相遇。呢種敵對得嚟又相互了解嘅狀態其實好浪漫。就好似羅密歐與茱麗葉咁浪漫。
請按此登錄後留言。未成為會員? 立即註冊