公司公私呢回事 · Task007 不知不覺到連自己都察覺唔到
個Joint Team Project Briefing Ba姐坐咗十二分鐘之後就留低程小姐走咗嘞。程小姐今日一如以往咁梳咗條過肩嘅長長髮辮，淡裝配清幽香水，causal dress up一路安安靜靜坐喺度聽我哋講，間中佢會講下佢嘅睇法，呢啲睇法通常都好切合佢担當緊嘅角色，就係提升個project新鮮感，令個project嘅形象young啲前啲。呢啲位令人聽得好舒服。反而我哋阿澤就有啲唔知點咁……無晒節奏。
老細三幅被再三反反覆覆後「好嘞，嗱，俾心機搞好個盤嘞。」一到lunch老细又做到個咁靚嘅ending嘞。
「一齊Lunch？」我望著程小姐。
「我約咗人……下次先啦。」好温柔好typical嘅答案。
「拜拜。」呢句佢望住阿澤講。之後就轉身走咗。
「走咗嘞。」我同阿澤講。
「唔怪得之Ba姐咁睇佢啦，真有料，又唔會令人好唔舒服，無Ba姐嗰種殺氣。呢隻先至真係食咗你都唔知呀。」我望實佢，佢無乜反應……
「俾個機會你，你同佢夾下co-working & co-habitating space嗰part想點搞，要做到幾大，攞條數放埋落個budget睇下。嗱，要點行就睇你自己嘞。」要放過自己，先要放過佢哋……俾佢哋傾下，希望咁就可以知道大家以後可以點行落去……
「無問題。」終於開聲答到一句……佢嘅眼神閃咗一下，好似成個人醒咗一醒咁……
「有問題唔使自己頂晒㗎，有乜就攤出嚟講，收收埋埋唔清唔楚無著數，對大家都唔好。」我用佢可以接受到最含蓄最隱晦方式同佢講，佢應該知我噏緊乜掛？我諗……佢應該知掛？
睇住佢仲係唔清唔楚甩晒beat個款，我嘅感覺好奇怪……呢種感覺同噚日程小姐同我講ok，thx好相似………
下晝呢個時間，佢哋仲傾緊……我唔知佢哋會唔會傾到啲嘢出嚟，又或者我希望佢哋可以傾到我希望佢哋傾到嘅嘢……雖然我知道呢個可能性好低……每個人都有胡思亂想嘅時候……耐咗就會不知不覺咁變咗同自己唔同嘅一個人，有時呢啲變化連你自己都察覺唔到，但偏偏有啲人就可以睇得好清楚……
佢哋终於開完會嘞，見到程小姐自己一個出返嚟先……咁應該無乜嘢work到。見到佢入咗Pantry，我都唔知點解……就咁就跟咗入去。
「點呀？」我若無其事咁問。
「乜嘢點呀？」佢若無其事好温柔咁回應。
「同佢呀。」呢句講得都幾型。
「邊個佢呀？」佢有啲想玩嘢喎……唔係，係佢可能都有啲唔知點咁……
「同佢夾budget嗰個佢呀。」呢句就……
「哦……」「Ok吖，個draft好快搞掂咗。我哋同意咗將coffee shop 同埋recreation elements， 擺落co-working zone個operation度。個budget其實都無乜點加到。」哦……
「Good! 好有gimmick。點呀？」呢句都唔只唔係好型，仲有啲拘緊，雖然我已經盡量講得好executive得嚟又好客氣……
「又乜嘢點呀？」佢用咗啲同平時有啲唔同嘅眼神望住我，雖然佢嘅笑容依然係咁温柔……
「同佢夾唔夾？唔係個個都明佢㗎？」我有啲甩咗自己嘅節奏……
「無乜嘢吖，做嘢無話夾唔夾，明唔明，最緊要搞得掂。」睇嚟佢都有少少……唔係咁……咁冷靜……有啲晦氣。
「佢做嘢好醒，其他嘢無做嘢咁醒……尤其是同人溝通……佢好多時未必識得簡單直接表達出嚟嘅好多嘢……理解佢呢樣嘢先可以接受到佢……你……你知我講乜啦，自己考慮清楚啦，有乜嘢要幫手就出聲啦。」我講緊乜嘢呀？唉……好唔型，呢個唔係平時嘅我。呢個係失去咗應有判斷嘅我，睇嚟我都領咗嘢……唔係好清醒。
「Ok。」
我講完就走咗，我唔知佢明唔明……其實我應該可以幾肯定佢係明嘅，但我仍然好struggle……唔知佢會以為我係用乜嘢身份同佢講呢番咁嘅說話……連我自己都唔清楚……其實，我算係乜嘢身份呢？同事？team leader？朋友？老友？死黨？知己……？佢哋會唔會覺得我會係呢個game入面嘅其中一個player呢……？who knows……
人點解總係咁麻煩，永遠都唔可以簡簡單單咁將心入面嘅說話講出嚟呢？知唔知好多遺憾就係咁搞出嚟㗎。
個Joint Team Project Briefing Ba姐坐咗十二分鐘之後就留低程小姐走咗嘞。程小姐今日一如以往咁梳咗條過肩嘅長長髮辮，淡裝配清幽香水，causal dress up一路安安靜靜坐喺度聽我哋講，間中佢會講下佢嘅睇法，呢啲睇法通常都好切合佢担當緊嘅角色，就係提升個project新鮮感，令個project嘅形象young啲前啲。呢啲位令人聽得好舒服。反而我哋阿澤就有啲唔知點咁……無晒節奏。
老細三幅被再三反反覆覆後「好嘞，嗱，俾心機搞好個盤嘞。」一到lunch老细又做到個咁靚嘅ending嘞。
「一齊Lunch？」我望著程小姐。
「我約咗人……下次先啦。」好温柔好typical嘅答案。
「拜拜。」呢句佢望住阿澤講。之後就轉身走咗。
「走咗嘞。」我同阿澤講。
「唔怪得之Ba姐咁睇佢啦，真有料，又唔會令人好唔舒服，無Ba姐嗰種殺氣。呢隻先至真係食咗你都唔知呀。」我望實佢，佢無乜反應……
「俾個機會你，你同佢夾下co-working & co-habitating space嗰part想點搞，要做到幾大，攞條數放埋落個budget睇下。嗱，要點行就睇你自己嘞。」要放過自己，先要放過佢哋……俾佢哋傾下，希望咁就可以知道大家以後可以點行落去……
「無問題。」終於開聲答到一句……佢嘅眼神閃咗一下，好似成個人醒咗一醒咁……
「有問題唔使自己頂晒㗎，有乜就攤出嚟講，收收埋埋唔清唔楚無著數，對大家都唔好。」我用佢可以接受到最含蓄最隱晦方式同佢講，佢應該知我噏緊乜掛？我諗……佢應該知掛？
睇住佢仲係唔清唔楚甩晒beat個款，我嘅感覺好奇怪……呢種感覺同噚日程小姐同我講ok，thx好相似………
下晝呢個時間，佢哋仲傾緊……我唔知佢哋會唔會傾到啲嘢出嚟，又或者我希望佢哋可以傾到我希望佢哋傾到嘅嘢……雖然我知道呢個可能性好低……每個人都有胡思亂想嘅時候……耐咗就會不知不覺咁變咗同自己唔同嘅一個人，有時呢啲變化連你自己都察覺唔到，但偏偏有啲人就可以睇得好清楚……
佢哋终於開完會嘞，見到程小姐自己一個出返嚟先……咁應該無乜嘢work到。見到佢入咗Pantry，我都唔知點解……就咁就跟咗入去。
「點呀？」我若無其事咁問。
「乜嘢點呀？」佢若無其事好温柔咁回應。
「同佢呀。」呢句講得都幾型。
「邊個佢呀？」佢有啲想玩嘢喎……唔係，係佢可能都有啲唔知點咁……
「同佢夾budget嗰個佢呀。」呢句就……
「哦……」「Ok吖，個draft好快搞掂咗。我哋同意咗將coffee shop 同埋recreation elements， 擺落co-working zone個operation度。個budget其實都無乜點加到。」哦……
「Good! 好有gimmick。點呀？」呢句都唔只唔係好型，仲有啲拘緊，雖然我已經盡量講得好executive得嚟又好客氣……
「又乜嘢點呀？」佢用咗啲同平時有啲唔同嘅眼神望住我，雖然佢嘅笑容依然係咁温柔……
「同佢夾唔夾？唔係個個都明佢㗎？」我有啲甩咗自己嘅節奏……
「無乜嘢吖，做嘢無話夾唔夾，明唔明，最緊要搞得掂。」睇嚟佢都有少少……唔係咁……咁冷靜……有啲晦氣。
「佢做嘢好醒，其他嘢無做嘢咁醒……尤其是同人溝通……佢好多時未必識得簡單直接表達出嚟嘅好多嘢……理解佢呢樣嘢先可以接受到佢……你……你知我講乜啦，自己考慮清楚啦，有乜嘢要幫手就出聲啦。」我講緊乜嘢呀？唉……好唔型，呢個唔係平時嘅我。呢個係失去咗應有判斷嘅我，睇嚟我都領咗嘢……唔係好清醒。
「Ok。」
我講完就走咗，我唔知佢明唔明……其實我應該可以幾肯定佢係明嘅，但我仍然好struggle……唔知佢會以為我係用乜嘢身份同佢講呢番咁嘅說話……連我自己都唔清楚……其實，我算係乜嘢身份呢？同事？team leader？朋友？老友？死黨？知己……？佢哋會唔會覺得我會係呢個game入面嘅其中一個player呢……？who knows……
人點解總係咁麻煩，永遠都唔可以簡簡單單咁將心入面嘅說話講出嚟呢？知唔知好多遺憾就係咁搞出嚟㗎。
請按此登錄後留言。未成為會員? 立即註冊