公司公私呢回事 · Task008 三人份嘅等待
「點呀？」我挨喺會議室門口，見到佢仲坐喺度，睇住啲文件，同平時差唔多，好似乜都無發生過一樣。唯一唔同嘅係佢嗰個睇唔到嘅comfort zone變得好明顯，佢呢次好應……
「乜嘢點呀？」聲調同語氣都同平時一樣。越平常就越唔正常。
「同佢傾成點呀！」
「咪正正常常囉…… 做嘢啫，無乜話點㗎……」
「有無同人講清楚呀？」
佢無俾反應，剩係望住部notebook……
我都無出聲，一直咁望住佢……望下望下……我見到眼前呢個人唔再係我認識嘅嗰個阿澤。佢面上副眼鏡慢慢咁消失咗，身上嗰件黑色外套漸漸變得越嚟越淺色，由黑色慢慢變淡變成好深好深嘅灰色，再慢慢淡落去變成灰色……淺灰……灰白……淡白……纯白……呢個變化並無停到，當我見到件外套變到雪雪白白嘅時候，更有趣嘅係呢件雪白嘅外套竟然透出一啲颜色出嚟，呢一點颜色又慢慢化開去，就好似你將朱古力輕輕倒入一杯裝滿牛奶嘅玻璃杯入面咁，透過透明嘅玻璃杯，你可以見到朱古力慢慢喺杯嘅上面向下沉，然後慢慢化開去，又或者沉到杯底在反彈向四方八面咁週圍化開去……慢慢將呢杯全白嘅牛奶變成朱古力色……所唔同嘅係，放入件外套嘅唔係朱古力，係藍梅汁，外套無變成朱古力色，變咗湖水藍色……著住呢件湖水藍色外套嘅呢個人，仍然望住部notebook……一對眼睛無咗焦點，可能佢嘅焦點唔係喺眼前，而係喺心入面好深好深嘅地方，深到連眼睛都無辦法探視到呢個焦點，深到連光線都照射唔到，你只可以一直望一直望……直至你突然認清楚，原來由頭到尾都係你自己唔想搞清楚。唔搞清楚就唔會俾人拒絕，無俾人拒絕就可以繼續擁抱呢份感情，亦唔使理其他世俗人嘅指指點點……雖則話鍾意人又唔係犯法，但係有時你情願犯法俾人拉，都唔想俾啲流言目光傷害自己同埋自己重視嘅人……
我諗返起我同程小姐講過嘅嘢 :
「佢好多時未必識得簡單直接咁表達好多嘢……理解佢呢樣嘢先可以接受到佢……」
鍾意呢個人就要接受到佢，咁又有邊個可以接受我鍾意呢個人呢？
望住眼前呢個望住notebook嘅佢，我好明白我根本就無資格叫佢同人講清楚。既然自己都係一個對感情無勇氣去直接揾答案嘅人，但係又無辦法放棄嘅話，可以做嘅就係等待……我慢慢轉身行開，留低佢自己一個人享受呢份三人份嘅等待……
「點呀？」我挨喺會議室門口，見到佢仲坐喺度，睇住啲文件，同平時差唔多，好似乜都無發生過一樣。唯一唔同嘅係佢嗰個睇唔到嘅comfort zone變得好明顯，佢呢次好應……
「乜嘢點呀？」聲調同語氣都同平時一樣。越平常就越唔正常。
「同佢傾成點呀！」
「咪正正常常囉…… 做嘢啫，無乜話點㗎……」
「有無同人講清楚呀？」
佢無俾反應，剩係望住部notebook……
我都無出聲，一直咁望住佢……望下望下……我見到眼前呢個人唔再係我認識嘅嗰個阿澤。佢面上副眼鏡慢慢咁消失咗，身上嗰件黑色外套漸漸變得越嚟越淺色，由黑色慢慢變淡變成好深好深嘅灰色，再慢慢淡落去變成灰色……淺灰……灰白……淡白……纯白……呢個變化並無停到，當我見到件外套變到雪雪白白嘅時候，更有趣嘅係呢件雪白嘅外套竟然透出一啲颜色出嚟，呢一點颜色又慢慢化開去，就好似你將朱古力輕輕倒入一杯裝滿牛奶嘅玻璃杯入面咁，透過透明嘅玻璃杯，你可以見到朱古力慢慢喺杯嘅上面向下沉，然後慢慢化開去，又或者沉到杯底在反彈向四方八面咁週圍化開去……慢慢將呢杯全白嘅牛奶變成朱古力色……所唔同嘅係，放入件外套嘅唔係朱古力，係藍梅汁，外套無變成朱古力色，變咗湖水藍色……著住呢件湖水藍色外套嘅呢個人，仍然望住部notebook……一對眼睛無咗焦點，可能佢嘅焦點唔係喺眼前，而係喺心入面好深好深嘅地方，深到連眼睛都無辦法探視到呢個焦點，深到連光線都照射唔到，你只可以一直望一直望……直至你突然認清楚，原來由頭到尾都係你自己唔想搞清楚。唔搞清楚就唔會俾人拒絕，無俾人拒絕就可以繼續擁抱呢份感情，亦唔使理其他世俗人嘅指指點點……雖則話鍾意人又唔係犯法，但係有時你情願犯法俾人拉，都唔想俾啲流言目光傷害自己同埋自己重視嘅人……
我諗返起我同程小姐講過嘅嘢 :
「佢好多時未必識得簡單直接咁表達好多嘢……理解佢呢樣嘢先可以接受到佢……」
鍾意呢個人就要接受到佢，咁又有邊個可以接受我鍾意呢個人呢？
望住眼前呢個望住notebook嘅佢，我好明白我根本就無資格叫佢同人講清楚。既然自己都係一個對感情無勇氣去直接揾答案嘅人，但係又無辦法放棄嘅話，可以做嘅就係等待……我慢慢轉身行開，留低佢自己一個人享受呢份三人份嘅等待……
請按此登錄後留言。未成為會員? 立即註冊