REPEAT 應該有咩需要準備？

DSE放榜成績唔理想，

好多時都會覺得前途迷茫，

唔知應該點好。

亦都會有人想試下重讀中六，

不過大家係重讀嘅時候都要有所準備，

唔可以毫無目標同準備就話要重讀。


重讀目標重讀中六

呢一點係非常之重要，

如果無清晰嘅目標就話要重讀，

可能最後都係徒勞無功，

嘥錢又嘥時間！

所以一個清晰嘅目標對重讀係十分之重要，

咁點為之目標清晰呢？

比一個最簡單嘅例子啦！

大家可以以自己心儀嘅學科做目標，
例如係中大經濟咁，

再睇下自己個分同佢個mean差幾多分，

跟住落黎你就要決定重讀邊一科比較有信心，

咁樣做嘅話自自然然就會有個更具體嘅大目標，

例如係數學科要升到5**咁。

除咗大目標之外，

小目標都係唔可以缺少嘅部份嚟架！

我建議大家係重讀嘅時候，

每月甚至每日為自己定下一個小目標，
例如係每日要背50個生字咁，

只要有咗呢啲小目標而你又完成到嘅話，

讀起書上嚟就會事半功倍啦。



設計時間表
重讀中六 1

好多時重讀生都係只會重讀某幾科，

例如係會計、經濟咁，

咁樣佢地唔洗上堂嘅時間就會多咗。

不過，
如果唔好好地設計自己嘅時間表嘅話就好易變得懶散，

生活同學習就會變得好無規律，

變相就會打擊自己嘅士氣！

所以一個好嘅時間規劃係對重讀有長遠嘅好處，

透過時間表，

大家可以提醒自己適當嘅時間做適當嘅嘢。

大家要記住呀！

唔好定咗個時間表就算呀，

要記得緊遵自己定落嚟嘅時間表！
平衡心理
重讀中六 4

呢樣亦都係重讀生成日忽略同感到氣餒嘅一點。

由於心理上，

重讀生會因為自己入唔到心儀嘅科目而覺得自己係失敗者，

漸漸就會失去咗動力同決心，

變得一蹶不振。

有啲重讀生會係重讀嘅中途感到迷茫，

望住中學同學同朋友嘅ig，

個個都係到享受緊大學生活而自己仲係重讀緊，
內心總會有啲唔開心同擔心。

對重讀生嚟講，

平衡心理係十分之重要，

當大家想放棄嘅時候問下自己當初點解要開始？

點解要重讀？

當你搵得番自己嘅目標嘅時候，

唔好理其他人點諗，

所謂大器晚成，

即使係慢過人起步，

但係大家最後都係拎到同一張沙紙。
(原文: 重讀中六)

此文章純屬 Tutor Circle Blogger 個人分享，並不代表本網誌立場。

點解咁多人揀私人補習都唔去大型補習社呢？