冇追開Game of Thrones，近期Netflix又冇咩劇好睇，同事推介Hulu出品劇集《惡行》(the act)，一追停不了。
故事係講一位單親媽媽Dee Dee含辛茹苦照顧囡囡Gypsy，Gypsy自細身患多種疾病、要定期服藥、對乳糖敏感、雙腳不良於行、平時又需以管道進食，加上比颱風摧毀埋家園，總之就係有咁慘得咁慘，但係Dee Dee同Gypsy面對大眾依然樂觀，仲鼓勵大家樂觀面對生活，有愛就可以戰勝一切咁話，聽上去呢對母女嘅故事夠哂勵志。
但事實上，Gypsy根本冇病。
Dee Dee由細到大都迫Gypsy食藥，食到佢瘟瘟炖炖，要佢坐輪椅唔準行路，又唔俾佢食含糖份嘅食物，瞓覺仲要用呼吸機添。Dee Dee搞埸大龍鳳就係想人同情佢地，然後可以源源不絕咁收到大家嘅捐款。
直到有一日，Gypsy開始發現自己原來一直冇病，原來係佢阿媽一路控制佢，自此Gypsy晚晚襯阿媽瞓咗覺，都偷偷地飲可樂，仲上網溝仔找尋真愛，Dee Dee發現之後㷫過火屎，自此管得佢仲嚴，Gypsy亦都更加反感，最後同男朋友Nick殺死Dee Dee。
而呢個故事最恐怖嘅地方係，佢係真人真事改篇。
現實真係有Dee Dee同Gypsy嘅存在，Gypsy殺死阿媽後都被判入獄，但佢自己就話喺監獄體驗到真正嘅自由。
值得一提嘅係，兩個女主角Patricia Arquette同Joey King演技非常唔錯，Joey King神還原真實Gypsy（各位可以上youtube搜尋Gypsy真人樣貌同聲線），而我最鍾意嘅係，一路都係受害者嘅Gypsy去到最後3集，都黑化成為一個不折不扣「死港女」，所以學張家輝話齋：啲女人呢，好L古惑嘅。
想睇更多文章請去:
Instagram: https://www.instagram.com/arlikcool/
Facebook page: https://www.facebook.com/ahlikcool/
故事係講一位單親媽媽Dee Dee含辛茹苦照顧囡囡Gypsy，Gypsy自細身患多種疾病、要定期服藥、對乳糖敏感、雙腳不良於行、平時又需以管道進食，加上比颱風摧毀埋家園，總之就係有咁慘得咁慘，但係Dee Dee同Gypsy面對大眾依然樂觀，仲鼓勵大家樂觀面對生活，有愛就可以戰勝一切咁話，聽上去呢對母女嘅故事夠哂勵志。
但事實上，Gypsy根本冇病。
Dee Dee由細到大都迫Gypsy食藥，食到佢瘟瘟炖炖，要佢坐輪椅唔準行路，又唔俾佢食含糖份嘅食物，瞓覺仲要用呼吸機添。Dee Dee搞埸大龍鳳就係想人同情佢地，然後可以源源不絕咁收到大家嘅捐款。
直到有一日，Gypsy開始發現自己原來一直冇病，原來係佢阿媽一路控制佢，自此Gypsy晚晚襯阿媽瞓咗覺，都偷偷地飲可樂，仲上網溝仔找尋真愛，Dee Dee發現之後㷫過火屎，自此管得佢仲嚴，Gypsy亦都更加反感，最後同男朋友Nick殺死Dee Dee。
而呢個故事最恐怖嘅地方係，佢係真人真事改篇。
現實真係有Dee Dee同Gypsy嘅存在，Gypsy殺死阿媽後都被判入獄，但佢自己就話喺監獄體驗到真正嘅自由。
值得一提嘅係，兩個女主角Patricia Arquette同Joey King演技非常唔錯，Joey King神還原真實Gypsy（各位可以上youtube搜尋Gypsy真人樣貌同聲線），而我最鍾意嘅係，一路都係受害者嘅Gypsy去到最後3集，都黑化成為一個不折不扣「死港女」，所以學張家輝話齋：啲女人呢，好L古惑嘅。
想睇更多文章請去:
Instagram: https://www.instagram.com/arlikcool/
Facebook page: https://www.facebook.com/ahlikcool/
請按此登錄後留言。未成為會員? 立即註冊