記得以前睇卡通，每集到咁上下時間都一定有句「復仇者集合」彈出黎，形象鮮明印象深刻，對「復仇者」嘅定義，你好清楚同唔會忘記，復仇者就係佢地，呢班人就係復仇者。
漫威電影宇宙用復仇者打頭陣，由四大英雄鋪出復1，十年黎終於走到復3，當初嘅7條A當中彼此反目，有家破人亡，有流浪太空，來來去去離離合合，可謂不勝唏噓。
論劇情，雖然電影宇宙係起源於東尼，又由雷神鋪復1條線兼帶出滅霸，但最吸睛嘅始終係美隊條線，尤其如果跟住美1復1美2復2美3咁睇，成個故事係緊湊得黎又不失內容而且常有呼應，中間用一段友誼貫串，頭兩集描活兩個角色，到第三集再將段友情發揮到極致，可以話漫威未來十年都可能唔會再有完整度咁高嘅故事線。
反觀隊長以外三英嘅個人故事，鐵甲奇俠作為漫威力挽狂瀾之作，雖成功令外國一眾製作人跌爛眼鏡，造就左Robert Downey=鐵甲奇俠呢個金漆招牌，但故事入面由奇俠1嘅不可一世到奇俠2到復1，佢主要只係學一樣功課：犧牲
呢個課題喺其他英雄身上並唔係無，不過佢最突出(剩係復1由片頭出場到送核彈前，就不斷側寫佢嘅心理變化)。但咁樣嘅佢除左出場總較耀目亮眼之外，其他方面根本唔算討喜。當然四英中有人比佢更孤獨更邊緣，但單論電影宇宙嘅重塑，鐵甲奇俠係觸目有餘而引人入勝不足。
至於雷神同變形俠醫，苛刻啲講，雷神要到個人作嘅第3集，全家死光光先稍為感受到啲人性(幾可反襯洛基的成功)，變形俠醫更加...
唔係大家對復仇者嘅集結始終有期望，漫威喺市場上又點會隱約壟斷成十年，連DC想分一杯羹都難？
問題係，一部用十年炮製，千呼萬喚出黎嘅作品，到底有無令大家失望？
**********警戒線***************
講失望或者語氣重左啲，但憑復3今集嘅149分鐘晒冷式畫面同劇情，又作為開啟第四階第二個十年嘅曠世作，呢部作品真係有令大家對復仇者或漫威嘅期望延續落去嘅魅力？
正式講復3前，不妨先再睇下踏入漫威十年嘅頭炮系列：黑豹及雷3，兩部作品都票房高開，前者明顯具備所有以往成功要素並融入高科技、民族風各項優點，但商業計算感覺濃烈，反而似係行保守路線；雷3更加離譜，真係為左搞笑可以去得幾盡，大佬呀，想玩搞笑就咪用諸神黃昏做主背景啦。
所以個人黎講，對漫威慶祝十年嘅作品，感受係high又high唔起，悶又悶唔死，so far so good咁囉~~~
入正題啦咁，今集主線黎講分為滅霸同復仇者兩邊，一邊講佢四圍收集龍珠，另一邊講下佢收集期間，復仇者各人嘅遭遇應對，中間Gamora成為關鍵角色，而佢所屬嘅星際異攻隊，開場就救左命不該絕嘅雷神，之後劇情就以六隊人三個組合嘅形式展開，雷神同星爵一組、東尼同傳奇博士一組、隊長同黑豹一組，當中以Hulk貫串。
咁樣嘅分法無疑係有利平衡角色同時不礙推進劇情，大家又可以睇下唔同組合拼埋嘅火花，係抵讚嘅，亦符合內戰後眾英仲係四分五裂一盤散沙嘅狀態，復仇者呢次對住神一般嘅對手，可以話係史無前例咁徹底失敗，由雷神一開始俾人打到扒，要全程走去整武器；到Hulk跌落地球死都唔肯出番黎；到東尼喺外星中刀重傷；搞到隊長一team人要單打獨鬥，成個戰況係一面倒嘅下風，直到滅霸撻一撻手指表示完場果下，一直彌漫嘅絕望感瞬間匯聚爆發。
呢度我係唔諗住同大家討論戲中繁多嘅疑似辯駁位，反正下半集一定有得兜，反而想分享下今次嘅主角。
好多人都話漫威成功締造左史上最完美嘅奸角，係咪呢講真我唔知，但我知佢肯定係史上最難解嘅奸角，呢頭唔濫殺無辜，果頭又死都堅持公平咁要一半宇宙消失，即係死於你個人堅持嘅公平就唔叫無辜？呢頭話為全宇宙幸福，果頭又戴住權傾天下嘅無敵手套，幸福唔通真係只有喺獨裁嘅人手下先可以擁有？
講開又講，一直神龍見首不見尾嘅滅霸，到今時破空登場，除左個勢稱得上驚天地泣鬼神之外，其他嘢都係單薄左啲，角色喺推動劇情上似力有不逮，就連佢為Gamora流果滴眼淚，睇落都幾作狀，如果今集嘅諸多留白唔係為下集，相信到時真係成也滅霸，敗也滅霸。
「曾經，有一個偉大嘅諗法...」預告入面重提嘅呢句令我記起喺復1結尾果時，有咁嘅對話：「所以你志在向向宇宙各界發宣言？」(班神盾局嘅廢老問)
「唔係，係承諾」(局長答)
承諾咩呢，係東尼喺大廈請洛基飲杯果時講嘅嘢，佢話我唔係拖時間，係恐嚇你，你激嬲晒全部人，就算保護唔到地球，都會一齊剩係對付你。承諾就係，無論邊個侵襲，就算保護唔到地球，復仇者都會揾你報仇！
所以，下集就等我地睇下，剩低嘅戰士反撃戰，領軍會係邊個？我幫佢諗埋slogan架喇：
「其實滅霸，又有乜好怕喎
復活有希望，復仇由我上」
By Captain Marvel
漫威電影宇宙用復仇者打頭陣，由四大英雄鋪出復1，十年黎終於走到復3，當初嘅7條A當中彼此反目，有家破人亡，有流浪太空，來來去去離離合合，可謂不勝唏噓。
論劇情，雖然電影宇宙係起源於東尼，又由雷神鋪復1條線兼帶出滅霸，但最吸睛嘅始終係美隊條線，尤其如果跟住美1復1美2復2美3咁睇，成個故事係緊湊得黎又不失內容而且常有呼應，中間用一段友誼貫串，頭兩集描活兩個角色，到第三集再將段友情發揮到極致，可以話漫威未來十年都可能唔會再有完整度咁高嘅故事線。
反觀隊長以外三英嘅個人故事，鐵甲奇俠作為漫威力挽狂瀾之作，雖成功令外國一眾製作人跌爛眼鏡，造就左Robert Downey=鐵甲奇俠呢個金漆招牌，但故事入面由奇俠1嘅不可一世到奇俠2到復1，佢主要只係學一樣功課：犧牲
呢個課題喺其他英雄身上並唔係無，不過佢最突出(剩係復1由片頭出場到送核彈前，就不斷側寫佢嘅心理變化)。但咁樣嘅佢除左出場總較耀目亮眼之外，其他方面根本唔算討喜。當然四英中有人比佢更孤獨更邊緣，但單論電影宇宙嘅重塑，鐵甲奇俠係觸目有餘而引人入勝不足。
至於雷神同變形俠醫，苛刻啲講，雷神要到個人作嘅第3集，全家死光光先稍為感受到啲人性(幾可反襯洛基的成功)，變形俠醫更加...
唔係大家對復仇者嘅集結始終有期望，漫威喺市場上又點會隱約壟斷成十年，連DC想分一杯羹都難？
問題係，一部用十年炮製，千呼萬喚出黎嘅作品，到底有無令大家失望？
**********警戒線***************
講失望或者語氣重左啲，但憑復3今集嘅149分鐘晒冷式畫面同劇情，又作為開啟第四階第二個十年嘅曠世作，呢部作品真係有令大家對復仇者或漫威嘅期望延續落去嘅魅力？
正式講復3前，不妨先再睇下踏入漫威十年嘅頭炮系列：黑豹及雷3，兩部作品都票房高開，前者明顯具備所有以往成功要素並融入高科技、民族風各項優點，但商業計算感覺濃烈，反而似係行保守路線；雷3更加離譜，真係為左搞笑可以去得幾盡，大佬呀，想玩搞笑就咪用諸神黃昏做主背景啦。
所以個人黎講，對漫威慶祝十年嘅作品，感受係high又high唔起，悶又悶唔死，so far so good咁囉~~~
入正題啦咁，今集主線黎講分為滅霸同復仇者兩邊，一邊講佢四圍收集龍珠，另一邊講下佢收集期間，復仇者各人嘅遭遇應對，中間Gamora成為關鍵角色，而佢所屬嘅星際異攻隊，開場就救左命不該絕嘅雷神，之後劇情就以六隊人三個組合嘅形式展開，雷神同星爵一組、東尼同傳奇博士一組、隊長同黑豹一組，當中以Hulk貫串。
咁樣嘅分法無疑係有利平衡角色同時不礙推進劇情，大家又可以睇下唔同組合拼埋嘅火花，係抵讚嘅，亦符合內戰後眾英仲係四分五裂一盤散沙嘅狀態，復仇者呢次對住神一般嘅對手，可以話係史無前例咁徹底失敗，由雷神一開始俾人打到扒，要全程走去整武器；到Hulk跌落地球死都唔肯出番黎；到東尼喺外星中刀重傷；搞到隊長一team人要單打獨鬥，成個戰況係一面倒嘅下風，直到滅霸撻一撻手指表示完場果下，一直彌漫嘅絕望感瞬間匯聚爆發。
呢度我係唔諗住同大家討論戲中繁多嘅疑似辯駁位，反正下半集一定有得兜，反而想分享下今次嘅主角。
好多人都話漫威成功締造左史上最完美嘅奸角，係咪呢講真我唔知，但我知佢肯定係史上最難解嘅奸角，呢頭唔濫殺無辜，果頭又死都堅持公平咁要一半宇宙消失，即係死於你個人堅持嘅公平就唔叫無辜？呢頭話為全宇宙幸福，果頭又戴住權傾天下嘅無敵手套，幸福唔通真係只有喺獨裁嘅人手下先可以擁有？
講開又講，一直神龍見首不見尾嘅滅霸，到今時破空登場，除左個勢稱得上驚天地泣鬼神之外，其他嘢都係單薄左啲，角色喺推動劇情上似力有不逮，就連佢為Gamora流果滴眼淚，睇落都幾作狀，如果今集嘅諸多留白唔係為下集，相信到時真係成也滅霸，敗也滅霸。
「曾經，有一個偉大嘅諗法...」預告入面重提嘅呢句令我記起喺復1結尾果時，有咁嘅對話：「所以你志在向向宇宙各界發宣言？」(班神盾局嘅廢老問)
「唔係，係承諾」(局長答)
承諾咩呢，係東尼喺大廈請洛基飲杯果時講嘅嘢，佢話我唔係拖時間，係恐嚇你，你激嬲晒全部人，就算保護唔到地球，都會一齊剩係對付你。承諾就係，無論邊個侵襲，就算保護唔到地球，復仇者都會揾你報仇！
所以，下集就等我地睇下，剩低嘅戰士反撃戰，領軍會係邊個？我幫佢諗埋slogan架喇：
「其實滅霸，又有乜好怕喎
復活有希望，復仇由我上」
By Captain Marvel
請按此登錄後留言。未成為會員? 立即註冊