【愛情啤啤佢】雜耍式的放閃圖,又暗藏了香港核心價值

啤啤佢大茶飯 於 24/05/2017 發表 收藏文章
長輩分享長輩圖,咁情侶一定中意分享放閃圖啦(正確來講係女朋友"分享"俾男朋友)

香港情侶有個現象好有趣,只要有張相紅左就會好似matrix咁附係全香港的情侶度陰魂不散,最近的matrix應該係"鼓勵行山"、"香港其實好多地方好令"(本來係囉)、"簡單生活己經好開心"(跟住背景見到對住維港海景食爉燭餐)和"鍚、攬住鍚、抬高鍚、倒轉鍚"的package。最近朋友分享左一個香港情侶ig,話裏面有好多相好多人like架,於是抱住好奇心同學習的心態開左佢地個ig觀摩一下
loop..loop..loop左一陣

整個ig就係:萬花筒咁多種鍚、一定千期唔可以望鏡頭(除非賣廣告)、"你就是我的唯一"caption,究竟係港女太感情豐富(無性別歧視,難啲想像男人對呢類post有興趣)然後按下神聖一like,定係又發揮佢地最神奇能力"自我投射機"同"終極幻想球"將自己完美代入呢?(但通常就tag埋男朋友然後就啟動複製人模式)

鍚一定係令?一定係sweet?
俗語有云:曖味最頂癮

你見格雷呀,三級片呀有幾可係個poster已經主角慾火焚身,肉團搏鬥架,緊係要吊下你癮,擺返個我見猶憐樣架嘛,畫公仔畫哂出腸邊過癮架。不過鍚還鍚可唔可以都注意下美感,張張都雜耍上身咁唔怪得咁多男人要去交會費做gym,又要抱上膊頭又要公主抱又要倒吊又要彎腰90度咁,見到呢個情況就諗起香港啲高層一定要加啲野,再加啲野,有咁多野得咁多野先叫"設計左"。一係就好似大台咁,發覺有一套劇掂喎,就無限loop出N咁多輯,係個ig裏面,淨係剪影都唔知有幾多張;淨係抱起膝頭再鍚又唔知有幾多張

係嘅,泥地係比較污糟嘅,所以咪唯有咁影

或者想測試下啲遊樂場設施夠唔夠安全啦,但你咁玩細路仔仲點夠膽玩呀

全香港突然親親大自然情侶最愛的國粹 - 剪影

希望遲下唔好興呢啲,不過香港女仔中意親親大自然多啲, gym應該唔啱

但最重要還是沒有靈魂,如果張相有靈魂,手機影都影到個靈魂出來。
與其用咁多力去鍚,不如用多啲時間去參透下攝影的靈魂
標籤: 情侶  放閃  拍拖  ig  影相  跟風  女朋友  港女  攝影  行山  

留言


請按此登錄後留言。未成為會員? 立即註冊
    快捷鍵:←
    快捷鍵:→