中學嘅時代，總有一啲緋聞傳下。
無辦法，學校啲性教育無教嘛，咁啲同學見一男一女笑下就有路架啦，但講下講下好似又疑幻似真咁。但唔知點解每班總有一啲緋聞主角係大眾嘅娛樂來源。以前嘅學校時代無智能電話，所以大家就踴躍地為沉悶嘅校園生活增添下啲樂趣，得閒無事生非，其實都係想返學有多個動力。
話說高中個陣入左理科班，男女比例為一比一（都算奇蹟啦），所以基本上好多女仔都會同男仔坐，好多緋聞就咁樣開始左。其中一個女同學同左全班物理最好嘅男同學坐，但個男同學因為身型比較肥，又無咩自信，又有暗瘡，日日孭住個郵差派信咁上下份量嘅袋返學，好自然地佢係班上面就無咩存在感，除左上物理堂個陣。調位之後，由於佢隔離位女同學物理好差，所以每次做物理功課都會好聲好氣咁問佢，諗住求人教要好禮貌啲嘅，但其實全班同學都知嗰女同學出名口賤，結果個男同學因為覺得女同學對佢咁溫柔咁需要照顧就中意左佢，隨之而來嘅娛樂新聞就為我地滿載溫馨左4年。
1. 每日入支票
有一次個女同學因為隻腳做完手術，所以兩個月都要撐住拐杖返學。但她每日都同我地講話，她每次係學校附近等小巴個陣，他就會行過來扮撞到
"咦咁岩嘅，等車呀，我陪你呀"
"你返屋企唔係行嗰邊咩？"
"我落葵廣入支票咋"
"哦，唔使啦，我就黎有車架啦，你行先啦"
"今日呢，上化學堂個陣xxxxx...........好好笑呀哈哈哈"
"你可以返去先啦，我就黎有車啦"
"我有時間呀，唔使唔好意思喎，陪你傾下計呀嘛，仲有呀今日物理堂個陣xxxxxxx........"
"你可以返去先啦，我就黎有車啦"
"你呢，有無睇xxxxxxxx............""你可以返去先啦，我就黎有車啦"
如是者雞同鴨講嘅對話loop左十幾次，終於有車。
"記得小心啲呀，拜拜啦"
後來女同學話他每日都話去入支票，每日都拎住同一張支票.....
2. 對面的女孩看過來
話說中學近聖誕都會有聖誕聯歡會，班會都會傾下今年玩咩同大家整野食帶返來。
大家圍圈坐玩完遊戲之後就到食野嘅時間，突然間，個班房熄左燈，然後他拎住一支結他坐左係班主任張枱上面唱"對面的女孩看過來"
"看過來 看過來"
"對面的表演很精彩"
....
當時啲同學見到咁大粒花生，緊係唔放過啦，個個吶喊助威
她覺得唔對路，掉低啲野食就想走出去
點知他的朋友在門外擋住，結果唱到完左為止....
後來聽講係專登練來送俾她
3. 體育堂舞會
中五個年，學校傳統都會喺體育堂教大家跳社交舞，學完之後，大家坐哂係禮堂，男同學就要㨂一個女同學做舞伴一齊跳，呀sir仲講到明，女同學係唔可以請人食檸檬。
然後他勇敢站起來，向住個女同學方向行去，她覺得又唔對路，所以她慢慢向旁邊移動，他又跟住她的方向移動，她移動得越來越快，但結果都是被追上
她望住呀sir，呀sir擰一擰頭
"我可以邀請你做我partner嗎？"然後拎出佢隻濕哂嘅手
她無奈地俾左隻手佢，就開始要跳
後來完左她說，他捉到她雙手都濕透
4. 望一眼俾一蚊
有一日小息，他的好朋友拎住一袋一蚊走過去她的身邊
"多謝你呀！"
"做咩事呀？"
"我叫左他唔好再中意你架啦，所以我同他講話如果望你一眼，就要收一蚊，結果就收左呢袋野返來啦"
5. XXX生日快樂
嗰陣岩岩開始玩facebook
她生日的前一日，11:59分
一搭正12點
他即刻在她的facebook留言
"XXX生日快樂"
於是全班同學就不停食花生留言，直至第二日返學
大家一見到她即刻講
"XXX生日快樂！"
講足一個星期
佢見自己開始有啲存在感，仲係facebook補多左句
"每人心中都有一個沈佳宜"
然後大家就叫她佳宜
自此之後，即使女同學向他用各種方式拒絕，但他的獅子山精神就越來越滾動，班上面其他男同學都用呢樣野來作為娛樂校園生活嘅途徑
"我聽XXX佢話中意男仔跑步呀"
因為啲男同學想佢墊底，自己唔使跑最尾
他苦練跑步兩個月，就係為左陸運會嗰日1500m比賽唔好包尾，因為她會做計時員，但最後奇蹟地真係無包尾
"XXX話好中意睇人食薯條架"
嗰排興食shake shake，所以個個加大個餐去換shake shake，但最終食淨左成四包，有個男同學拎哂呢四包薯條俾佢，佢真係食哂
"XXX話好中意睇人飲水架"
他的朋友想佢減肥唔好飲咁多汽水，所以9up，然佢佢衝左落去nike買左個水樽，然後成日係她面前不停飲水，要每日放學前飲哂啲水
多年後我們和她畢業後食飯時，都會拎返他出來笑笑
"當年覺得佢好煩，但而加諗返覺得佢幾有勇氣追求佢想要的事"
她笑著說。
無辦法，學校啲性教育無教嘛，咁啲同學見一男一女笑下就有路架啦，但講下講下好似又疑幻似真咁。但唔知點解每班總有一啲緋聞主角係大眾嘅娛樂來源。以前嘅學校時代無智能電話，所以大家就踴躍地為沉悶嘅校園生活增添下啲樂趣，得閒無事生非，其實都係想返學有多個動力。
話說高中個陣入左理科班，男女比例為一比一（都算奇蹟啦），所以基本上好多女仔都會同男仔坐，好多緋聞就咁樣開始左。其中一個女同學同左全班物理最好嘅男同學坐，但個男同學因為身型比較肥，又無咩自信，又有暗瘡，日日孭住個郵差派信咁上下份量嘅袋返學，好自然地佢係班上面就無咩存在感，除左上物理堂個陣。調位之後，由於佢隔離位女同學物理好差，所以每次做物理功課都會好聲好氣咁問佢，諗住求人教要好禮貌啲嘅，但其實全班同學都知嗰女同學出名口賤，結果個男同學因為覺得女同學對佢咁溫柔咁需要照顧就中意左佢，隨之而來嘅娛樂新聞就為我地滿載溫馨左4年。
1. 每日入支票
有一次個女同學因為隻腳做完手術，所以兩個月都要撐住拐杖返學。但她每日都同我地講話，她每次係學校附近等小巴個陣，他就會行過來扮撞到
"咦咁岩嘅，等車呀，我陪你呀"
"你返屋企唔係行嗰邊咩？"
"我落葵廣入支票咋"
"哦，唔使啦，我就黎有車架啦，你行先啦"
"今日呢，上化學堂個陣xxxxx...........好好笑呀哈哈哈"
"你可以返去先啦，我就黎有車啦"
"我有時間呀，唔使唔好意思喎，陪你傾下計呀嘛，仲有呀今日物理堂個陣xxxxxxx........"
"你可以返去先啦，我就黎有車啦"
"你呢，有無睇xxxxxxxx............""你可以返去先啦，我就黎有車啦"
如是者雞同鴨講嘅對話loop左十幾次，終於有車。
"記得小心啲呀，拜拜啦"
後來女同學話他每日都話去入支票，每日都拎住同一張支票.....
2. 對面的女孩看過來
話說中學近聖誕都會有聖誕聯歡會，班會都會傾下今年玩咩同大家整野食帶返來。
大家圍圈坐玩完遊戲之後就到食野嘅時間，突然間，個班房熄左燈，然後他拎住一支結他坐左係班主任張枱上面唱"對面的女孩看過來"
"看過來 看過來"
"對面的表演很精彩"
....
當時啲同學見到咁大粒花生，緊係唔放過啦，個個吶喊助威
她覺得唔對路，掉低啲野食就想走出去
點知他的朋友在門外擋住，結果唱到完左為止....
後來聽講係專登練來送俾她
3. 體育堂舞會
中五個年，學校傳統都會喺體育堂教大家跳社交舞，學完之後，大家坐哂係禮堂，男同學就要㨂一個女同學做舞伴一齊跳，呀sir仲講到明，女同學係唔可以請人食檸檬。
然後他勇敢站起來，向住個女同學方向行去，她覺得又唔對路，所以她慢慢向旁邊移動，他又跟住她的方向移動，她移動得越來越快，但結果都是被追上
她望住呀sir，呀sir擰一擰頭
"我可以邀請你做我partner嗎？"然後拎出佢隻濕哂嘅手
她無奈地俾左隻手佢，就開始要跳
後來完左她說，他捉到她雙手都濕透
4. 望一眼俾一蚊
有一日小息，他的好朋友拎住一袋一蚊走過去她的身邊
"多謝你呀！"
"做咩事呀？"
"我叫左他唔好再中意你架啦，所以我同他講話如果望你一眼，就要收一蚊，結果就收左呢袋野返來啦"
5. XXX生日快樂
嗰陣岩岩開始玩facebook
她生日的前一日，11:59分
一搭正12點
他即刻在她的facebook留言
"XXX生日快樂"
於是全班同學就不停食花生留言，直至第二日返學
大家一見到她即刻講
"XXX生日快樂！"
講足一個星期
佢見自己開始有啲存在感，仲係facebook補多左句
"每人心中都有一個沈佳宜"
然後大家就叫她佳宜
自此之後，即使女同學向他用各種方式拒絕，但他的獅子山精神就越來越滾動，班上面其他男同學都用呢樣野來作為娛樂校園生活嘅途徑
"我聽XXX佢話中意男仔跑步呀"
因為啲男同學想佢墊底，自己唔使跑最尾
他苦練跑步兩個月，就係為左陸運會嗰日1500m比賽唔好包尾，因為她會做計時員，但最後奇蹟地真係無包尾
"XXX話好中意睇人食薯條架"
嗰排興食shake shake，所以個個加大個餐去換shake shake，但最終食淨左成四包，有個男同學拎哂呢四包薯條俾佢，佢真係食哂
"XXX話好中意睇人飲水架"
他的朋友想佢減肥唔好飲咁多汽水，所以9up，然佢佢衝左落去nike買左個水樽，然後成日係她面前不停飲水，要每日放學前飲哂啲水
多年後我們和她畢業後食飯時，都會拎返他出來笑笑
"當年覺得佢好煩，但而加諗返覺得佢幾有勇氣追求佢想要的事"
她笑著說。
請按此登錄後留言。未成為會員? 立即註冊