【旅行啤啤佢】仲驚緊去大陸會俾人割左個腎個陣，不如驚下係香港供樓供到賣腎啦（上）

早前同三位朋友到了上海旅遊，今次㨂去上海因為同行朋友的極力推介，而且唔係好遠，四日三夜就走得。有個同事知道我去上海之後，目露兇光話：你返大陸玩呀？大陸好恐佈架，會迷暈你偷你個腎架，仲會當街搶野架！


驚緊去大陸會俾人割左個腎個陣，不如驚下係香港供樓供到賣腎啦


如果有人出文講少少大陸有幾好，經濟有幾好，科技有幾先進，一定會係香港引起罵戰，總一班人總會留低好豐富的comment同你分析同作出勸喻：
"咁你死返大陸住囉，大陸咁好"
"大陸啲野食X死你呀"
"死伍毛，蝗蟲地方無興趣囉"
"大陸係經濟好呀，你咪去住囉，屎都無得你講呀"


雖然我都明白香港人怨氣好重好深，但似乎理性討論係香港越來越少，越來越難。每次見到咩類型既文章都好，只要係讚一讚大陸什麼什麼有優勢呀，好呀，就會引來一大堆鼓勵性留言，但見到呢個情況我只係見到港人的無知同井底。香港人似乎仲對香港感覺良好，但係香港同世界經己脫哂節，係脫到離哂譜，成個世界講緊科研、人工智能嘅時候，香港就岩岩放蛇捉左uber司機；國泰第一開刀就係it部；警察岩岩搞掂左hidden agenda；google原本想係香港建立數據中心跟住去左星加坡；上一單最令人引以為傲應該就係古物八達通同古人星之子。香港人只係捉住佢只淨下的民主同言論自由一直感覺比大陸高人一等，自命不凡，但究竟知唔知道一直罵緊會偷腎既大陸已經去到邊個位？（但又最中意日日罵日日用淘寶）
香港連一個係佢地眼中咁不堪嘅中國都完全無法競爭，甚至連自知之明都無，咁香港睇來仲不堪


香港而加就好似係井底的青蛙
拎住一粒寶石沾沾自喜向井口的青蛙講
"我有你永遠都沒有的寶石！"
"是的，但我有瑪瑙"
"我有你永遠都沒有的寶石！"
"是的，但我還有裴翠"
"我有你永遠都沒有的寶石！"
"是的，但我還有鑽石"
"我有你永遠都沒有的寶石！"
"是的，但我還有井上的世界"
"但我有你永遠都沒有的寶石！"

是的，你就是只有寶石
但只要走出井外，寶石和世界也都是我們的
而不只是對著沒有寶石的井口青蛙洋洋得意

p.s. 真抱歉好似離哂題，下一篇會講返上海之行架啦