X

聖誕交換禮物活動又開始咗,大家啲禮物有冇中伏呢?

臨近聖誕節,不論公司、同事或朋友們都開始舉行一啲聖誕派對。
我公司會攞一啲冇人買嘅樣版進行抽獎活動,例如:暖水袋、毛巾套裝、零食禮品包...
入職頭一年都興致勃勃,以為有咩豪華禮物,原來都只係貨尾,過多幾年我就開始麻木了。
總好過冇嘅~哈哈

曾經相熟同事搞過聖誕派對,為咗大家荷包著想,講到明禮物價錢一定要在$30以內。
甘我就好好人買啲食得嘅零食,有啲同事就玩野買一啲用唔著嘅野!
當抽中嘅人好開心甘拆禮物,點知拆到最後打開個盒咩都冇嘅時候,才發現個盒已經係禮物,對方苦笑又嬲唔落! 呢件事講到今年仲有人講,你話幾厲害!

到咗今年沒有人主動提出搞聖誕派對,只話食餐飯就算。
梗係啦!~上年玩到咁伏,邊有人想買禮物換伏野!
上網睇到【聖誕禮物2018】最唔想收到的19份地獄禮物清單
實在太好笑~我覺得最易激嬲人一定是「過期六合彩」,完全係想博打!下一次一定唔會預佢參加。
另外最賤我覺得是送「避孕套」,沒有情侶嘅人抽到叫佢點用? 玩水彈?
女嘅抽中又尷尬,男嘅就一定面都紅晒。哈哈

我啲朋友都會分享大家工作嘅公司所舉行嘅聖誕派對內容,有啲好豪華~會有最新手機做抽獎禮物!
講到聖誕派對少不免玩小遊戲,我對公司玩個啲小遊戲完全沒有興趣,只係想快快趣食完野抽完獎就算。
因為個啲小遊戲,以中年婦女同事最活躍,曾經有男高層自己拿現金出嚟做小遊戲獎品。
最開心一定係男高層,因為比成班婦女圍著,爭論自己個組最快完成小遊戲,哈哈。
我地啲小薯當然企埋一邊食花生! 哈哈哈~

聖誕節快到!
祝大家抽到岩用嘅禮物! 有心儀對象嘅人俾啲勇氣自己去表白~聖誕快樂!


多多支持! 也會分享其他資訊喔~
↓↓++facebook++↓↓
路恩娜facebook專頁

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→