辦公室政治真係好睇過溏心風暴

話說,對面部門最大粒退休後,公司就係出面請個人番黎管。我簡稱叫大粒人。
正所謂新官上任三把火,對面同事日日對著佢就真係叫苦連天~
因為話晒之前嘅習慣、工作流程等等都運行咗廿幾年。比較輕鬆啲,冇嘜壓力!
但自從呢個新官上任以來,多名同事都頂唔順工作量比以前多、開埋晒啲無謂會議、摔數更多。
員工流失率多咗好多...換血換得好快!

有關刷鞋呢個問題呢...當然有發生啦!
對面部門分咗3個細部門,我簡稱為 1號 2號 3號。
1號主管好識做,送咗幅畫俾佢,咁2號部門主管都唔執輸,送個咖啡機俾佢!!
咁面對2號主管咁厚禮,大粒人當然開心啦!而且2號好識刷鞋令到大粒人好鬼開心!

咁3號呢? 3號係好有性格嘅人,根本唔會做呢啲刷鞋行為!
所以佢咩都冇表示。
好啦!由於3號冇表示,受苦嘅會係3號下屬們!
大粒人就好唔鍾意3號,成日搵野留難佢地~樣樣野都最遲先睇,開會又會BAN晒佢地IDEA。
好慘~旁人聽到都覺慘!(所以下屬流失率好高)
咁其中一單是3號 其中一位文員剛剛到試用期需要評分! 3號當然會評合格啦!因為冇咩問題~
但大粒人就改咗佢啲分數,變成唔合格! 變相冇得留低! 係米好痴缐呢?
因為大粒人唔想3號有文員幫佢地做野! 就變相3號部門嘅人要自己一手一腳做!
總之係大粒人眼中,3號唔刷鞋,我就要搞你!

好啦! 你地可能有個疑問~點解唔直接搞3號呢? 因為聽聞3號是另一高層請番黎,唔郁得!
所以就搞佢啲下屬! 係米好痴缐呢?

咁你又可能會問,咁平時大粒人係米好得閒呢?
答案都好似係!~
因為平時除咗一星期開2次無謂會議、監察人地番工時間、一個月去公幹一次之外(唔知真幹或假幹),
好似都冇咩忙~

好啦! 講到呢度,因為係對面部門嘅事,所以小薯我都係番去做野先啦~下次再爆

多多支持! 也會分享其他資訊喔~
↓↓++facebook++↓↓
路恩娜facebook專頁

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • PMYIFP
    PMYIFP 於 16/06/2019 評論 NO. 1

    有人嘅地方就有江湖

快捷鍵:←
快捷鍵:→