農曆7月14日~講鬼故 精選

今日農曆7月14日正日~分享講下鬼故先
話說我朋友做戲院收夜場~咁尾場完咗後叫啲客人沿後門樓梯走，咁佢就會清場，打掃個間HALL。
打掃完後會望一轉，確認冇晒人佢就會沿後門直上到最盡，準備關上後門 (當時差唔多凌晨1點)
而當時通往後門條路好長，得佢一個上到去關完後門，準備轉身走個刻聽到...
有一把小朋友聲..."哥哥陪我玩呀~"
我朋友即刻打個冷震，望一望周圍嘜人都冇，發覺唔對路即刻9秒9衝番落去大堂。
啲同事即刻問佢發生咩事!佢地聽完叫我朋友唔好嚇佢地~因為有時其他人都需要負責關後門...

另一單又係戲院，我朋友嘅同事分享~稱呼佢做B小姐當時又係尾場時間，最後一個客入咗去睇戲，咁女廁就開始要清潔!
而B小姐當時推開女廁大門，見到其中一格有對腳企咗係度!
咁佢對著女廁大叫"唔好意思，我地就黎要清潔啦~" 當時冇人應佢，佢就企在大門等個客人出黎。
佢等咗大約20分鐘，發覺都冇人出黎，就好奇推開女廁大門睇...
發現頭先個格...對腳冇咗~佢好驚!因為一直冇人出過黎~
之後佢即刻拉埋其他同事一齊清潔女廁。

呢兩個就係朋友分享~大家今晚會唔會去戲院睇戲呢? 呵呵~

多多支持! 也會分享其他資訊喔~
↓↓++facebook++↓↓

路恩娜facebook專頁