酒店靈異故事 精選

話說，因為近排酒店價錢有下降情況! 同朋友特登租一晚玩!
位置尖沙咀遊客區~三星級酒店，細細間都算整齊! 附近又有激安，可以去買野食!
首先我住個層有4間房，我地2點鬆啲去拿房卡，正常上到去拍卡開門。
但奇怪開唔到門，冇反應!我周圍望下人地啲門也是拍卡喔~
咁我就覺得好奇怪，心裡已打算落番去問~作最後一試嘅時候又比我拍到卡。

入到去細細一間有自然光照射到房中~我都滿意啦! 話晒香港寸金尺土，有得住又乾淨整齊已好開心!
之後我地玩下card game，睇下電視~睇睇下聽到好大聲"搭搭~搭"(((ﾟдﾟ)))
我同朋友即刻望向門口位置，之後冇理佢又再睇電視! 突然再聽到 " 刷刷~刷刷"Σ( ° △ °)
我朋友話聽到門口有人拉動門把!
我即刻跑去門口望個防盜鏡發現....冇人!(☉д⊙)
之後我好理性分析，就覺得應該是隔離房開門關門啲聲姐~
而啲"搭搭"聲 可能是牆內啲喉管啲聲黎嘅...

之後間中都會聽到"搭搭~搭搭搭"聲~我都冇理會。
其實個晚我都瞓下醒下，而我第一次醒個陣望一望我朋友，發現佢對眼LOOK 到好大望著我!(´⊙ω⊙`)
嚇死我啦!~我即刻問" 你做咩唔瞓?" 佢話" 醒咗!瞓唔到~"
我就問" 洗唔洗關埋廁所燈呀?" 佢好堅決話" 唔洗!!" 甘我就由佢，繼續斷斷續續咁瞓!~
半夜我發現佢仍唔瞓(*´･д･)? 在玩手機! 我最後都冇理佢..照瞓!
到第2朝，大家退房後食早餐，佢才同我講!
當我第一次瞓著咗個下，感覺到有人由我方向吹風落佢耳仔!
我說 " 係米我呼吸咋? " 佢話" 唔係!當時你已擰轉咗方向"
我問" 會唔會冷氣啲風咋?" 佢話" 唔會!因為啲冷氣由右邊吹!但吹耳仔方向係由左邊吹來"

我即刻打咗個突! 就笑佢唔怪得之成晚都瞓唔到啦~

多多支持! 也會分享其他資訊喔~
↓↓++facebook++↓↓
路恩娜facebook專頁