開工大吉

今日初七人日，祝大家身體健康!萬事如意!
我會繼續分享有趣事、劇集及公司八卦事等等.
放咗成個星期咁耐假期，今早鬧鐘響起仲以為星期日...
可想而知幾想繼續放假...哈哈
放假症候群.出現啦!!沒辦法啦!~一到放假夜瞓!

今日11號人日，人人生日，但3日後14號就到情人節!
大家有沒有諗定點慶祝呢?
睇到啲宣傳，譚仔3哥 & 海皇粥竟然推出情人節套餐!真是有創意~
都好呀!~起碼俾我地省錢一族多個選擇!

你知啦! 出面一到大時大節，平平無奇嘅菜單加個有意思嘅名就可以賣貴幾倍~~我每食一啖真是要連汁都啜埋嫁!~哈哈

講番大時大節，今年大家逗利是多唔多呢?也祝大家荷包滿滿~
睇番啲利是封設計真是好多好有特色!! 有圓形利是封!插畫利是封!~文青風都有!!
真是可以回收再用呀! 幾好!!

好啦!下次再分享~再次祝大家事事順利! 橫財就手!