網紅

最近網絡媒體興起,多咗好多網紅出現。
唔同類型拍攝內容都有,有啲內容豐富有深度,有啲內容劣質冇內涵。
人類總是會犯同樣嘅錯,以為自己影下相多人讚好就以為自己是網紅,
其實連你係嘜水都唔知。

最近有一單
【網紅𡃁模開po鬧爆餐廳服務差 朋友投訴累女侍應被炒 網民轟過份】

「The Beggar in the Restaurant乞客」FB 傳送門
內文大家自己click 入去睇吧!~

睇內文後覺得成件事係個網紅自己攞黎(聽聞佢IG Account冇埋),正所謂物極必反。
個網紅見好唔識收,仲搞到人地冇埋份工,斷人衣食猶如殺人父母。
特別係我地呢啲小薯打工仔,一聽到有人因為好少嘅事而冇咗份工,即刻痛心到好像自己冇咗份工咁呀!
在香港搵份工又要過五關斬六將,過晒關但又要睇下人工吸唔吸引(有啲公司唔鍾意寫幾錢人工嫁)
所以搵工係好麻煩嘅一件事。

而內文寫「...其間指侍應服務態度差劣、麵包安排不當及紙巾甩色等,其朋友更當場向經理哭訴委屈,同時取消未上枱的食物訂單。餐廳經理即時代為道歉,又提出全餐免費,但事主指經理未有向她們索取聯絡方法,斥沒有誠意。
網紅及其朋友事後在facbook及IG發帖,大呻當晚非常不開心,有人更到餐廳總部的fb再次投訴,終令涉事侍應被炒,提出投訴的女生知道後,更說「目的已經達到」。.....」

其實一件好少嘅事,你去高級餐廳為咗個包同人嘈都算,紙巾甩色咪用自己個啲囉! 洗唔洗"哭訴"呀?
有幾委屈呀??夠個侍應日日對著佢呢啲客人嘅無奈?侍應都係人,都會有情緒,唔係賣笑工具。
文中寫道:「....當晚有份在場的女生強調自己無做錯,更坦言:「目的已達到。」....」

呢啲所謂網紅到底咩心態?為咗發洩,人地經理已道埋歉都要繼續投訴,搞到人地工都冇埋。
如果個個都好像佢咁投訴一大餐,出面好多失業人士了~
「我要投訴,你地啲刀叉有水漬呀!」「你地啲杯唔夠閃令令呀!」「你地手腳咁慢嫁!」
「我要投訴茶水阿姐黑我面!」「個經理講野冇尾音冇禮貌!」

一睇留言,差唔多冇個人識佢係嘜水,又冇相。
到底紅唔紅邊個定義呢?如果覺得自己理直氣壯嘅話,洗嘜IG 都delete 埋呢?
到而家為止,我都唔知邊位網紅...哈哈

多多支持! 也會分享其他資訊喔~
↓↓++facebook++↓↓
路恩娜facebook專頁

留言


請按此登錄後留言。未成為會員? 立即註冊
    快捷鍵:←
    快捷鍵:→