放負者~速速遠離我

小薯每日工作都大同小異，同事之間吹水閒聊一定會有!
話說有位由新入職個陣已被大家私下取笑嘅女士，佢做文員嘅 ( 大家好衰~(´≖◞౪◟≖))~點解呢? 因為佢雙眼浮腫(永恆一線)、乾燥短金髮再配上一身與潮流脫軌嘅裝扮，目測年約三十幾歲。
但會影響第一次印象，再加上成日見到佢同人吹水，嘩! 真是打工仔嘅典範~

有一次佢打電話俾我問我工作上問題(因為有人辭職，佢要接手做埋同事工作)
我第一次聽佢電話，一聽電話佢就用一把好懶惰嘅聲線...
"喂~阿A同事呀!我要接手做埋另一人嘅野呀~但我唔識點申請野呀~"

我聽到把聲心諗:你精神少少好唔好!?
"啊~你本身有冇account? 冇就申請番你個人account我先教到你喎!"
佢繼續懶洋洋甘嘅聲講" 噢...甘...點申請嫁? 唉...大把野做都做唔切，而家先有啲時間做咋...唉..."
我沉著氣繼續教...最後我忍唔著問" 點解你把聲甘嘅? "
佢就開始放負能量...
"唉...我病咗呀，得閒死唔得閒病!請多日病假又打黎問原因，甘我病先請假嘛!唉...我而家周身骨痛呀! 著晒風褸、頸巾，但對手仲好凍。唉...成堆野等著我做呀!唉...我今日番到工，聽日一定請假。"

我聽完都唔知點答佢" 啊!~咁....我都幫你唔到喎" 然後繼續教學...
其實我好想CUT佢線! 我唔想聽你放負~ 我聽黎聽去只聽到一個重點: 就是怨多野做!
但其實早幾日我見到佢周圍同人打牙骹~好似唔洗做咁!
聽番其他同事講 " 呢個女人係咁，成日放負能量又成日怨多野做，個個都係咁做嫁啦!
多都要做嫁啦!成日同人吹水吹晒啲時間~
早前其他同事俾野佢做，佢一聽到發晒脾氣咁講咁多野做嫁唔做啦"
其他同事見到佢咁嘅反應都呆咗~有個同事忍唔著講"咁你米唔好做囉!"
而之後而佢真係連續2日冇番工.....

多多支持! 也會分享其他資訊喔~
↓↓++facebook++↓↓
路恩娜facebook專頁