愚蠢的人總是自信滿滿 精選

顯示分享連結
各位有冇試過當大家傾緊計時，有一位扮演知識份子但其實無知嘅同事中途插咀呢?
真係要多謝你搞到氣氛降至0度。

話說，有位男同事A君經常拿著手機睇野，大家都以為佢睇緊電話冇理佢，但其實佢聽緊大家講野。
(原來手機只係裝飾，偷聽才是正道)
當大家講到興高采烈個陣，佢會好有自信地用專家口吻講
「係呀! / 岩呀 / 一定係 / 我知呀」等等句子黎表達佢對事情嘅理解!~

但我對於呢啲一開始都唔係留心聽野嘅人，抱著一個疑問!
「你到底知唔知我地講緊咩?」我忍唔著問佢.
「你地講到嘜嘜嘜，我都知啦」佢自信地講.(當時佢對眼望著手機咁回答)

我最憎呢啲反應，我同緊你講野，唔該你望下我~

我即刻忍唔著問佢「你又知?」佢話「我之前睇過啦...」
其實當下我地一行幾人已冇理佢...

仲有一次，由我負責嘅嘉賓名單完成後，需要製作嘉賓名牌。
而當時有同事問我 「其中一位呀C嘉賓會唔會黎呀?」
佢無啦啦插咀，好有自信地「佢會黎呀! 」 我忍唔著又問「 你又知?」
「我有份整啲名牌，好像有印象有佢名呀!所以佢一定有份!」
我反晒白眼答佢「啊~嘜係呀~」
佢走開後，我同同事即刻檢查個名單，發現個位呀C嘉賓跟本唔會黎!
佢仲要好自信講一定有份! 個下態度我同同事都覺得佢好討厭!~

好多知識上嘅野，大家研究緊個陣，佢實係即刻彈出黎話自己個方法岩。
其實係錯!~太有自信地錯!~我地都冇佢甘好氣!~
『無知者比知識者更自信。』
名言作者:達爾文
『在現代世界裏，愚蠢的人總是自信滿滿，而聰明的人卻充滿疑問。』名言作者: 羅素

呢位同事佢需要用一個超自信來掩飾自己嘅不足，結果令人討厭!
大家需要研究、需要去考證，才能證實答案~
每次第一時間衝出黎，去搞亂人地是非常不智!

多多支持! 也會分享其他資訊喔~
↓↓++facebook++↓↓
路恩娜facebook專頁

留言


請按此登錄後留言。未成為會員? 立即註冊
  • PMYIFP 於 25/07/2019 評論 NO. 1

    死啦，我覺好似講緊我咁。
    多谢提醒，我會留意留意。
    還有，名句好正。

  • 路恩娜 於 26/07/2019 評論 NO. 2

    HAHA!社會大學大家都有排學~
    名句我都覺得好正又貼切^^

  • PMYIFP 於 26/07/2019 評論 NO. 3

    我覺得你公司好搞笑。請問你公司做乜呢？PR？廣告？

  • 路恩娜 於 29/07/2019 評論 NO. 4

    我相信好多公司都會發生呢啲古怪野，只爭在有冇人寫出黎比大家笑下^^
    上面發生嘅事只係公司私人活動姐~
    我只能講係一間細少公司，咩都要做. (可憐的小薯)(๑•́ ₃ •̀๑)

  • PMYIFP 於 29/07/2019 評論 NO. 5

    期待你的故事

專欄簡介

生活職場樂怒人。路恩娜 正式踏入3字頭的普通打工仔, 終於的起心肝分享生活職場樂怒事 如剛好感動到你，觸動到你... you know , we know..

編輯簡介

路恩娜 生存在公司低層, 感受到職場冷暖樂怒人. 忙到不知時間為何物!~ 閒時上網信息又一日!
快捷鍵：←
快捷鍵：→