似熟賣熟的同事

最近對面部門請文員，黎咗個女同事!
跟據對面同事所講嘅花名+我所觀察: 其貌不揚，一笑棚牙彈出黎，花名:高瘦平。
對面口賤同事更加形容為" 進擊的巨人" ，仲要附上圖片俾我睇!~
口賤到呢~ ^^"

點解無啦啦講佢呢~因為呢個女同事入職咗大約2個月，對面啲同事已唔太喜歡。
首先，原來呢位高瘦平三十幾歲已婚，剛生咗小朋友。
聽聞佢剛剛入職咗一星期已經想問同事借員工優惠去買BB野，冇人俾。
因為對面同事話佢講野冇禮貌，好像一啲old seafood咁。
之後八卦到原來佢在舊公司做咗8年，因為生小朋友才辭職~
(噢...難怪一副old seafood口吻)

另外衰一樣野，就係同人懶熟!當時大約入職咗2個星期。跟據對面同事分享，佢成日在同事講緊野期間插咀!
例如: 同事A & 同事B 兩個在條路行緊講緊野，高瘦平就會無啦啦走入去佢地2人中間一齊講。

第2樣我都接受唔到，就係高瘦平會無啦啦將自己手爭放係人地膊頭~
要知道佢只入職大約4星期~ 那位被放手爭落膊頭嘅同事一秒即嬲兼同時彈開九尺遠去另一同事旁。
即時反感!

佢地同高瘦平食午餐食咗4星期後，覺得真係頂唔順佢啲溝通方法!
大家講緊自己玩咩APPS，佢隊個電話埋黎話自己都有呢個account...
所以集體避開咗同佢食飯~得番佢自己一個食~

要知道嘛~公司大部份都係後生女!大家都唔係好受似熟賣熟呢種方式，只會搞到人地怕咗佢!其實大家都新認識，客客氣氣、以禮待人才對~

多多支持! 也會分享其他資訊喔~
↓↓++facebook++↓↓
路恩娜facebook專頁