【人踩人劈價潮】

【人踩人劈價潮】

近日,越來越多報章報道二手樓業主不斷劈價求售, 而一手樓方面,發展商為求促銷,同時又唔可以直接減價加速樓市跌勢 ,只好不斷加佣畀地產經紀促銷, 等經紀回佣俾買家, 變相曲線減價。

種種跡象顯示 ,二手樓業主處於劣勢, 現時如果想入市 ,買家唔劈價就真係傻仔。

上星期,大樓陳拜訪客戶韓先生,同佢傾開本港樓市, 佢話搵到個筍盤,業主開價500萬, 畀佢還價還到450萬。 佢滿心歡喜去銀行問mortgage, 諗住買平貨。 正常情況下, 佢應該借到樓價嘅3成( 佢本身持有另外一個自住物業)。 喺估價估足嘅情況下,銀行只係批咗佢60萬, 少咗成一半。 最後,由於韓先生業務的關係,唔想砸住咁多現金,所以只好放棄咗呢個筍盤。

喺韓先生呢個case,可以睇到除咗發展商加佣促銷,二手樓業主劈價求售外, 銀行亦有生意都唔敢做 ,對本港樓市取態極度審慎。 「落雨收遮」係銀行嘅天性, 看來本港樓市的一場暴風雨已經悄悄地開始呢!

即刻Follow埋 大樓陳-北上尋樓記

#促銷 #樓市 #貿易戰 #香港樓市 #曲線減價 #投資 #粵港澳 #風險管理 #物業 #發展商 #回佣 #目標價 #加息 #股市

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→