【令人嚮往的檳城退休生活】

【令人嚮往的檳城退休生活】

早幾日,我大樓陳去拜訪客戶—— 做貿易生意的李老闆。見李老闆由大office搬去細office,所以都知道佢生意難做啦。言談間得知, 李老闆已萌生退意,準備下年退休加移民。

原來李老闆正準備下星期與太太出發到檳城實地考察,選擇兩個單位——一個自住、一個收租投資。李老闆知道我大樓陳對投資都有一點心得,所以就開始滔滔不絕向我介紹佢打算買的檳城樓盤,以及佢個退休移民大計~

李老闆睇中嘅樓盤係當地著名發展商Mah Sing嘅項目,2019年第四季交樓。樓盤包裝修、傢俬,淨係拎行李就可以入去住。樓盤有山景或海景選擇。旁邊有沙灘、商場。開車去China Town約20分鐘車程。李老闆睇中嘅單位兩房兩廳約1200呎,只係港幣大概180萬港紙!

大家諗下今時今日180萬喺香港,可以買到啲乜? 唔好意思我真係諗唔到!我大樓陳屋企樓下嘅車位都要240萬!
李老闆繼續解釋佢點解選擇檳城作為移民退休嘅地方。首先佢覺得香港政治環境令佢好厭倦,佢唔想退休每日起身都睇到政治爭拗嘅新聞。去到檳城每日去行山游水,吸少D負能量,人都自然健康啲。

另外, 馬來西亞曾經都係英國殖民地,年青一輩都係接受過英式教育,較尊重法治,移民去當地都較容易適應及融入當地文化。

此外,原來李老闆因為做生意關係,佢嘅人生約20年喺香港生活;20年喺美國生活;20年喺內地生活。將來20年,如果繼續喺香港生活其實都有啲悶,如果去一個新地方,就有新嘅文化衝擊,在新環境動腦筋學習下,一定會令到佢嘅退休生活更精彩。

最後,最重要、最重要、最重要嘅——當然係經濟考慮。樓價唔使多講,180萬有咁正嘅居住環境已經冇得輸。另外其他開支方面,喺香港請一個菲傭要五千蚊,喺檳城五千蚊就可以請一個工人再加埋個司機!!!喺香港去商場泊車要買幾百蚊嘢先免兩個鐘頭泊車費,喺檳城基本上所有泊車位都係免費!!!至於油費唔使多講,馬來西亞係產油國!喺香港,物業管理費幾蚊一呎,所有設施仲要另外畀錢;喺檳城佢打算買嗰個樓盤大概1蚊一呎管理費咋,仲要包曬享用所有設施!!!教育方面,佢睇過樓盤隔離有間國際學校,每月約一萬蚊學費。香港呢? 我大樓陳朋友個女因為小學派位差被迫轉去一間普通私校,盛惠七千蚊學費!!!退休開支最大當然係醫療啦,大家都知香港公立醫院質素差之餘,仲要等到死都未等到;私家醫院呢? 如果你冇買保險,本來無事出院,但係埋單見到D收費即刻畀佢嚇死。 保險費又隨著醫療通脹同年齡增長而大幅增長。馬來西亞醫療質素唔錯,同時平過香港一大截!!!檳城仲有有一個工業園,好多國際知名電子產品嘅廠房都係嗰邊,所以當地人均收入係比起其他馬來西亞人較高。 當地有好多expat住,所以買當地物業,長遠嚟講價值都會有保證,將來留番畀仔女繼承都唔錯。

李老闆嘅結論好簡單, 就係同一筆錢去檳城比喺留喺香港'襟搣'好多!!! 香港係一個搵錢嘅地方,但係未一個理想退休嘅地方呢?同一筆錢會唔會有換來更好嘅生活質素呢?跳出框框,我哋係有得揀!

即刻Follow埋大樓陳

#樓市 #退休#香港樓市 #檳城#投資 #物業#通脹#馬來西亞#醫療保#生活質素

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→