【止痛藥經濟】

【止痛藥經濟】

最近一星期,投資市場氣氛大幅改善,除咗憧憬嚟緊G20開會中美貿易戰降温外,另一原因係市場開始炒作由於美國經濟增長動力開始減弱及油價急跌令通脹壓力不大,美國加息加多兩次到2019年中就會停止加息。

與原本美國聯儲局預期加息加到2020年, 目標聯邦基金利率3.375%比較,由目前聯邦基金利率2-2.25%加多兩次息,好大機會都只係2.5-2.75%,同聯儲局之前講嘅3.375% 有一段距離。
市場聽到咁嘅消息(只係炒作) 當然開心,好似真係聯儲局宣佈咗唔加息嘅一樣,地產股、收息股即刻急升, 大行仲出嚟調高曬下年恆指預測目標。

我大樓陳要供樓, 如果美國加多兩次息就收工當然開心。 我亦相信美國嘅加息週期會比預期快會結束, 主要原因係因為侵侵。佢將自己嘅政職 同美股掛鉤, 出手干預油價,出口鬧聯儲局主席鮑威爾加息影響佢嘅施政。作為美國總统呢啲舉動都係前無古人。 所以我相信只要有侵侵嘅一日,息率正常化呢個減慢經濟增長嘅舉動都會畀佢積極阻止。
短線而言, 唔加息對香港股市樓市當然有正面作用。 但長線而言,如果美國經濟好都唔加息,將來經濟衰退佢哋就會變得冇減息空間。 所以侵侵嘅舉動其實係透支緊將來嘅經濟。 現時當權者都唔會容忍經濟衰退帶嚟嘅痛苦, 所以當美國下次經濟衰退嘅時候,財政政策用盡,就又係再印銀紙QE嘅時候。

QE對當權者就好似會上癮嘅止痛藥, 經濟有咩唔掂就會攞出嚟食。

對於我哋普通市民,QE帶俾我哋嘅影響就係銀紙快速貶值。 所以我大樓陳認為長遠而言,一定係資產為王!

即刻Follow埋大樓陳

#G20#中美貿易戰 #美國經濟#香港樓市 #加息#投資 #聯儲局 #股市#樓市#按揭#供樓#目標價

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→