【淺談空置稅】



樓市係咁升,最近政府就提出空置稅。

我大樓陳就認為政府都係做下樣,好似有做過嘢咁囉。 試問啲高官自己都有咁多地、咁多劏房,佢哋點會真係想個樓價跌呀?不過做下樣都好過乜都唔做,起碼都希望令到個樓市唔好升得咁急。

有了解下啲金融史嘅人都知道,任何政府政策對樓市嘅影響只會係最後一根稻草,當個樓市週期行完,最後踢多一腳令個樓市跌快啲。情況就好似當年董伯伯嘅八萬五政策,90年代初樓市升到癲晒之後美國開始加息,就算佢乜都唔做,經歷過97金融風暴、2000年科網股爆破, 之後仲唔好彩整多個零三年沙士,佢乜都無做,個樓市都係一定跌。不過佢喺唔適當嘅時候整咗個八萬五政策,如果我係嗰啲負資產業主梗係入佢數,搵個人鬧下發洩下啦!

講返空置稅,有個所謂專家話(早幾年話啲細價樓會爆,但係到而家都未爆到嗰個),如果空置稅推出樓價會即刻跌一成。我都好希望佢今次有樣嘢講中! 不過就算樓價跌一成,都只係大約去返上年個水平。而家買唔起樓嘅都係繼續買唔起啫!我大樓陳話如果個政策令到個樓市跌到淨返一成,啲年青人就真係可以靠自己上車,唔駛靠父幹!

其實睇返香港,呢十幾年經濟發展都係停步不前,啱啱大學畢業出嚟做嘢人工都係同十年前差唔多。樓價升幅,長遠嚟講一定係要睇返當地經濟發展,同埋人工增長。 如果對比大陸,佢哋嘅樓價係升咗好多,不過佢哋嘅人工喺呢十幾年升幅都比我哋香港快好多!而家仲有大灣區政策支持,我大樓陳相信長遠嚟講,買樓投資都係一路向北,望實大灣區啦!

即刻Follow埋 大樓陳-北上尋樓記

#樓市 #大灣區 #空置稅

如果喜歡我們的文章,請即分享到︰

標籤: 空置稅  大灣區  樓市  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→