【買大陸樓梗係要買名牌!】

【買大陸樓梗係要買名牌!】

想信喺香港地,大家都知新鴻基樓質素好,呢樣嘢喺樓價就見到。新鴻基樓對比其他發展商樓盤,往往都有明顯溢價。

至於大陸樓呢?可能大家有聽過中國海外、華潤、萬科、保利、恆大等全國性發展商,質素係較有保證。 但係呢啲著名發展商嘅樓價,亦都好明顯貴一大截!究竟值唔值? 啱啱我大樓陳尋日同個朋友飲茶,佢嘅經驗又再引證咗買名牌樓既好處同重要性。

呢位朋友喺2015年買入咗碧桂園十里銀灘旁邊另一個樓盤 - 華潤小徑灣。 一方面鍾意佢有個無敵大海景, 得閒可以自己同老婆去渡假; 另一方面希望搏大亞灣將來會撥入深圳管轄, 樓價可以爆升賺一筆。 雖然小徑灣有靚沙灘無敵大海景,夏天去度假真係好正。 但係近海嘅樓 ,日日食正海風都係比較容易殘。 朋友話雖然小徑灣層樓質素好,但係亦都避免唔到呢啲結構性問題。 所以收樓之後都間唔中要搵發展商去執漏。 喺呢個過程,就充分睇到作為一線發展商嘅華潤有幾好。

首先朋友話收樓嘅時候,華潤排咗七八個人同佢一齊檢修層樓。 大小問題佢哋都迅速解決晒。 而且態度一流,永冇怨言。 之後有一次間屋有個地磚要換, 朋友同個維修師傅傾偈先發現, 因為嗰款地磚附近冇貨, 華潤派師傅專程由深圳坐一個小時車去同佢換個地磚。 咁嘅服務真係冇得輸!

由今次朋友嘅分享,令到我大樓陳更加相信買樓真係要買名牌, 貴買貴賣。 樓始終係用嚟住,所以個價值一定係睇居住環境 。 發展商物業管理質素當然亦都係其中一環, 有咁好嘅售後服務,個市好嘅時候呢D樓盤仲唔係可以跑贏大市嘅筍盤!

即刻Follow埋 大樓陳-北上尋樓記

#樓市 #大灣區 #香港樓市 #內地樓市 #投資 #粵港澳 #物業 #通脹

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→