【換人仔買樓大作戰2--逆週期因子】

【換人仔買樓大作戰2--逆週期因子】

啱啱星期五晚，人行終於出手，再次引入逆週期因子，來穩定人仔匯價。

逆週期因子係啲咩？

簡單嚟講，就係人行每日報在岸人仔中間價嘅時候，加入一個factor去穩定匯價， 除咗考慮一籃子貨幣之外，仲會考慮如果匯率波幅太大，呢個factor就會發揮作用，將個匯率波幅收窄。 作用就係去阻止啲炒家沽空人仔，操控匯率啦！
人行第一次引入逆週期因子係喺舊年5月，當時人仔大約都係兌美金差唔多穿7算， 之後就一口氣升咗約10%。由此可見呢個因子嘅威力!

有啲淡友話，呢個逆週期因子只會令到人仔反彈，唔會急跌。但最後人仔都會因為貿易戰影響而慢慢跌穿7算。 今日睇生果報話大陸印銀紙速度(M2)增長對比GDP係高於2倍， 而美國只係0.71倍。 似暗示大陸經濟會頂唔順，人仔會持續貶值。

大樓陳認為上述比較過於簡單，參考價值不大。 做個簡單比喻，過往騰訊每年盈利增長30%以上， 中電每年盈利增長1x%， 市場畀呢兩隻股票嘅合理估值（PE）當然唔同啦! 同一道理中國GDP增長一年6%以上，而如果美國有3%都要開香檳慶祝！ 所以將中國同美國嘅M2/GDP比率比較根本意義不大。不過睇得多生果報，都知道佢哋嘅經濟分析都係有政治傾向，畢竟佢哋嘅讀者都係鍾意睇到啲唱淡大陸、就快支爆等等嘅新聞。 今時今日香港嘅傳媒都係高度政治化，如果大家根據呢啲有政治傾向嘅經濟分析嚟做投資決定。就真係要小心啲!
講返人仔，大樓陳認為人行在引入埋逆週期因子之後，人仔再跌嘅空間好有限。 即使貿易戰繼續惡化，但考慮到大陸經濟已經轉型為消費主導，人仔如果再持續貶值必定會影響消費信心。 到時出口又唔得，內需又唔得，大陸經濟就真係會有好大問題。 所以人行會盡力守著七算呢條底線，唔會畀人仔貶值得太多。所以筆者都係繼續分段吸人仔準備買樓!

相關文章：【換人仔！買樓大作戰】（https://bit.ly/2PcNknl）

即刻Follow埋 大樓陳-北上尋樓記

#趁低吸納 #樓市 #大灣區 #香港樓市 #內地樓市 #投資 #粵港澳#物業 #通脹 #股票 #長線投資 #貿易戰#逆週期因子#人仔#匯價#內需#人行