「男人的好奇心」 精選

有段時間，生活突然間十分沈悶，日日如是。
朋友的生活圈子來來去去都一樣。加上我這種既是一個大男人；
也是一個小男人。真係想尋找一點衝擊。(我當時無拍拖)

左思右想下，突然想嘗試下係討論區徵友，於是開了一個帳戶後，
打算進行歷史性既第一次徵友行動。因為根據我有一班兄弟班的朋友，
有幾次飯局有分享過。

朋友甲：「嘩! 上次阿某帶條女出來都幾得下。係網上識，幾索下!」朋友乙：「嘩! 我有個朋友都係咁，真係唔差架喎D女!」
朋友丙：「家下好多靚女好寂寞架，咪上網識下男仔解下悶囉!」

係依個好奇心下，真係唔做唔安樂。

係討論區既徵友版入邊，男人真係好有勇氣! 原來真係好多真男人。
何謂真男人呢？就係想做就去做，唔怕人點睇？(當然不能違法) 佢地
係好多個唔同既帳號，而大部份同一個題目：「徵SP (Sexy Partner)」，
猶如喜愛夜浦男主角一樣。當然個d 既post係好快消失。我當然無咁
大既勇氣去做依件事。而我經過一個星期既打混，終於係某d post 入面攞到一個吹水位置，亦逐漸成為一位活躍分子。而更突然有一天，
我竟然收到有女士既PM，主動比埋佢電話我。我自不然要向朋友甲乙丙報告一下今次既戰績，當刻我感到朋友圈子地位大大既提升。而女方跟我通電話後，就相約出來食飯拉，我感到行動幾有效果，朋友們對於今次事件係高度既關注。
於是我就相約女方及佢好朋友一齊去左打邊爐。

我大約食到約一個鐘，收到來自一個Whats app 群組既訊息：

朋友甲：「喂…條女得唔得呀？」
朋友乙：「快講……」
我：「條女好似明星咁。」
朋友丙：「嘩……你就好拉，邊個明星呀？」我：「盧覓雪。。。。」(我不是冒犯盧小姐，不過網友係幾似佢。)


結果當然比人笑拉。

今次好奇心其實來自聽聞(飯局對話)而引起，其實當生活上你停滯係一個位置時，其實朋友既資料都係一個參考。雖然依次徵友經歷無為我帶來生活上太大的新衝擊，但卻令生活入邊多左份體驗；經歷；仲有幾個男人的哈哈大笑聲。