香港都有韓式靚證件相？初試觀塘影樓弘大Studio Photobi韓國首間海外分店

最近茄雲需要影證件相，於是去左好多人推介嘅韓式證件相影樓「Studio Photobi」，Photobi源自韓國弘大，以精修嘅靚證件相聞名，香港店係「Studio Photobi」首間海外分店，位於觀塘及旺角。

1.價格

證件相：HKD$150/12張；重印：HKD$30/12張


2.拍攝前

首先我好欣賞Studio Photobi網頁上提供關於影證件相嘅事前準備tips，例如：避免條紋衣服、避免在鼻翼及顴骨掃過多陰影、黑長髮女仕避免穿著黑衫。

Studio Photobi店內設梳妝區域，而且免費提供美髮用品及工具，影相之前可以係度補妝、整理好頭髮。

如果帶左衫黎換/租借西裝（$30），需要到工作室外、大廈同層的洗手間換衫，由於只係一個面積好細嘅廁格，所以換衫其實唔太方便。


3.拍攝

茄雲係前一日網上預約左閒日嘅14：30，到達時人並唔多，呢個時段walk-in嘅話相信都無問題。

攝影師服務態度好，幫我影左大約6、7張相，教我微笑、露齒笑都試下。

▼iPhone7plus 前置鏡頭下的我，供大家參考下效果


▼Photobi嘅打燈好均勻，而且會營造出有blink blink嘅眼神光。

▼睇電子檔（放大），會覺得眼神光有d怪。

▼但縮細翻嘅實體print out相，眼神光剛剛好，俾人感覺都自然，而且比較精神。
4.修圖

攝影師會俾你係最好嘅3張相之中選定一張，然後開始執相。話說我諗左好耐要露齒笑個張定微笑好，而攝影師都好有耐性，有俾意見我，亦俾我慢慢諗。
全程攝影師會請你坐係佢旁邊，基本上你可隨時提意見同要求。

根據我個人目測，執相程序包括：p走碎髮/瑕疵、磨皮、大眼、瘦臉、淡化黑眼圈、平衡唔對稱嘅五官、調色/美白...等等。
有一點想提醒大家，由於攝影師係放大張相，係局部放大（close-up）之下執你個樣，你有啲難估計佢最終嘅p圖效果。如果你同茄雲一樣，都唔鐘意用美顏相機，有機會覺得最後執得over左。
不過，縮翻細、print-out嘅實體相嘅效果其實又唔係太誇張嘅，都算係我接受範圍內。可能因為我比較少用美顏app所以有少少睇唔慣，但成品都好令我滿意嘅。

5.取相

由拍攝到攞相，成個過程唔洗30分鐘，Studio Photobi亦會經email send翻電子檔俾你。

Studio Photobi HK

Website：https://photobi.hk/
Facebook：Photobi.hk 弘大證件相拍攝工作室 - 香港店
Instagram：photobi.hk
觀塘店地址：觀塘開源道62號12樓A7室駱駝漆大廈2座 (觀塘站B1出口下橋直行約5分鐘)
旺角店地址：旺角亞皆老街24-26號7樓A室東方大廈 (旺角站D3出口左邊小巷入)
唔知大家覺得張相有幾成似我真人呢......

Karen（茄雲）香港女生，愛一人出走，獨自旅行，攝影、日本旅遊愛好者，尋訪世界各地的美景，并發掘生活中的美學。

個人網站：blog文章、影片大本營...
Facebook專頁：日常動態、短篇網誌...
Facebook社團：Solo旅生-獨遊女生交流一人旅行分享會
Instagram：限時動態、照片背後的故事...
YouTube / Bilibili：旅遊影片、生活Vlog...
Weibo微博：日常動態、照片Pinterest：設計素材及藝術靈感收藏、整理...