[平文•發掘西灣河] 抵食夾大件之 後巷隱藏蛋包飯?!

咖哩蛋包飯 HK$35(包冷或熱飲料)

今站黎到西灣河,帶大家跳出太安樓,去到華記士多。

如果唔係住西灣河,可能都未必知呢間隱世士多。 個人認為佢既位置有少少少少隱蔽,不過要揾都唔難既。

只要由太安樓過對面馬路,沿住筲箕灣道,轉入太富街,行前幾步就會見到一條小後巷就到達!

無錯,係後巷!所有既枱櫈都係後巷。因為士多本身既地方唔大,只能夠成為廚房。


平文去食既當日陽光普照,氣溫高於30度,大汗淋漓之際得知原來豬隊友帶我黎到咁有情調既後巷進餐,除左苦笑之外都唔知比咩反應好...不過唔係呃你,連身穿西裝既上班一族都無懼炎夏,享受熱辣辣既蛋!包!飯!

蛋包飯凍檸茶唔該!短短兩分鐘之後就有飯食。

以為咁快就係hea整比係你?咁你就錯啦!唔hea不特止仲要係高質!


呢間蛋包飯既意思係 咖哩滑蛋包雞柳飯!!! 老闆毫不吝嗇咁比好多咖哩汁,足夠每一粒米被咖哩汁包圍。蛋同咖哩既配搭真係無得輸,而滑蛋下面既雞肉一啲都唔乾,係滑滑既雞柳,加分加分! 最底既飯唔係白飯,係有醬油既飯不特止分量仲非常充足。


30幾蚊絕對唔係細細碟仲要包野飲,凍飲仲唔洗加錢,係香港真係買少見少,性價比高之餘質素絕對比得上甚至平文認為超過其他日本餐廳百幾蚊細細份既蛋包飯添。
雖然一邊食一邊抹汗係有少少狼狽,但係平文真係抗拒唔到眼前既蛋包飯。

其實香港有好多性價比高又好食既小店,呢間就係好好既代表!

--------------------------------------------------------------------------------------------------

餐廳資訊
華記士多
西灣河筲箕灣道48號地下3B號


如果喜歡或是覺得還OK的,請讚和留言,讓零羊有動力繼續分享吧! 謝謝:))
可以的話再follow零羊 ,零羊有臉書facebook、想看靚相到零羊的instagram (zerosheep_youngtraveler)

Odigo: https://tw.odigo.jp/?i=zerosheepyoungtraveler

Instagram: http://picbear.com/zerosheep_youngtraveler

[ 切勿不問自取截圖截文竊取任何圖文 ]
#零羊回鄉探險記-從香港出發

留言


請按此登錄後留言。未成為會員? 立即註冊
    快捷鍵:←
    快捷鍵:→