點解要塔羅?

作為呢一個專欄既第一篇文章,我諗佐好耐應該打啲咩?
最後我決定佐呢一個題目"點解要塔羅?"
好多人第一個反應覺得問塔羅牌當然係想知道將來既發展啦!
但事實上塔羅牌係咪只係預測將來既一樣工具呢?

舉個例:客人L同女朋友相處得唔開心。因為女朋友成日會管住佢,一旦女朋友唔能夠即時聯絡到L,
就會發脾氣鬧交;但係好多時L冇接到電話既原因係因為佢做緊野。
L覺得女朋友好唔體諒佢,佢黎搵我想知道同女朋友既發展係點?可唔可以行落去?我為佢地抽到既牌係命運之輪逆位。
代表住佢地既關係面臨住轉變,向住壞既方向去發展,分開係好自然既事。
我相信L黎搵我其實係想挽救佢地既感情,只係佢未分清自己真正黎搵我既目的。
於是我同L講:你有冇諗過你地既問題係咪真係在於佢唔體諒你?
其實你應該探討既係點解佢會做出呢一啲行為。到底呢段關係存在住既係咩問題?
呢啲先應該係你想知道既野。
最後,L同女朋友都冇分開到。佢地好感激塔羅牌令佢地睇清楚問題既根,
佢地而家好努力咁向住同一個目標前進,用心經營呢一份感情:)
睇到呢度,塔羅牌仲係咪單純地只係預測未來既工具?
其實塔羅牌就好似一面鏡,
佢會令你睇到最真正既自己。
所以問塔羅之前最好有一個心準備去面對最底層既自己,
一旦我地明白佐問題既根,
我地就冇理由再去逃避了。