尋晚返酒店前，見到個天好紅，仲以為聽日會繼續落雨，點知司機斬釘截鐵咁話，聽日一定會好天。
結果，第二日真係好好天。食完比前一日好少少嘅早餐之後，就開始應該係我有生以嚟最有文化氣息嘅一日。
相比入面嘅文物，我更加鍾意「蘇州博物館」嘅設計 —— 啡色嘅屋頂，白色嘅牆身，簡單中又顯得不平凡。
全陪導遊推我由特別通道入去。喺入面等大家集合嗰陣，佢問我：「香港有冇博物館？係咪免費入場？」但事前，佢強調自己去過幾次香港。
除咗博物館外圍好靚之外，入面亦可以見到小橋流水同流水，加埋各個展館嘅外圍同陽光嘅襯托，真係睇幾個鐘都唔厭。
當我走馬看花咁睇晒各個展館，諗緊應該影館內邊個部份先最靚嗰陣，突然聽到導遊把聲話：「大堂嘅屋頂啦，點影都靚架！」的確，無論從邊個角度睇，屋頂都好靚，如果我識影相嘅話，一定會仲靚。
離開博物館之後，就向絲綢館進發。途中導遊不停講解蠶絲製品﹙例如蠶絲被﹚同其他製品嘅分別。有時我都覺得佢哋幾辛苦 —— 收入唔穩定，但又要好有記性同口才。不過，講到天花龍鳳又如何？有需要嘅就自然會買。
雖然係購物點，但館內嘅工作人員大部份都係阿媽級人馬。見到佢哋將原本一舊舊嘅蠶絲喺迅雷不及掩耳間拉成大小不一嘅塊狀，真係要寫個「服」字俾佢哋。
喺電視節目已經睇過蘇州刺繡嘅精美，去到研究所之後，真係睇到我嘩嘩聲 —— 前一晚導遊曾經講過一個貓刺繡嚇死咗真金魚嘅故事，當我睇到不論係人、動物、物件、風景嘅刺繡仲真過相片嗰陣，就覺得導遊嘅故事一啲都唔誇張。同絲綢館一樣，喺入面拎住針刺繡嘅，都係有媽咪級人馬。蘇州嘅女性，真係唔止得個樣，難怪會有「蘇州屎」嘅典故。
食午餐嘅地方喺研究所隔離，中途經過一條好古舊嘅長廊，兩邊有湖有樹，仲有鴨同鵝喺度戲水。好耐冇見過真實嘅佢哋。姐妹花不斷撩佢哋，令到佢哋發出好沉厚嘅叫聲。唔知點解，聽到呢啲聲令我覺得好舒服。
無論喺研究所抑或酒樓，都見到為咗刺繡而嚟嘅外國人，令我忽然對蘇州刺繡肅然起敬。
午餐之後，又係同蘇州導遊講再見嘅時候。全陪導遊話由蘇州去上海，車程要個幾鐘，所以我哋可以休息吓先。但仲未喺上海停低，我哋已經見識到上海嘅繁華 —— 因為塞車嘅關係，最終車程變為係原先估計嘅兩倍！
唔記得兜兜轉轉咗幾耐，終於去到市中心嘅「上海博物館」—— 係啊，一日之內去咗兩個博物館。入館嗰陣又係全陪導遊推我由特別通道入。無幾耐我聽到響機，原來元兇係媽咪個大袋入面支水。工作人員要媽咪飲一啖水，證明冇事先俾佢入。
相比「蘇州博物館」，「上海博物館」真係大好多 —— 四層都有多過一個展館，而且入面嘅文物都好有趣，可惜又係得一個鐘，加埋等lift嘅時間，結果行唔晒。如果啲內地旅行唔係坐晒喺樓梯休息，我諗環境會更靚。
我對上海冇咩期望，雖然夜晚城隍廟嘅建築物都好靚，但我諗人流比香港嘅廟街更誇張！一個鐘嘅自由時間，最後大家都決定一齊行，費事走散。原本想去「南翔饅頭店」試小籠包，但淨係排隊都要40分鐘，所以大家決定喺要行兩級先入到去嘅「寧波湯圓店」坐到夠鐘為止。試咗好多朋友推介過嘅灌湯包，啲湯搞到我食得好論盡，更重要嘅係 —— 唔好食！塊皮仲厚過我嘅面皮，餡料又鹹，其他小食都係得個鹹字，但姊妹花仍然買咗好多小食做宵夜。人多，食咩都好食啲嘅。
離開城隍廟之後，我哋就去食晚飯。雖然領隊不停叫我哋食多啲，食飽啲，但大家對住啲團餐，都牙痛咁嘅樣。姐妹突然見到工作人員嘅飯餸原來更令人不堪入目，於是講笑話：「不如叫佢哋入嚟食咗份團餐佢啦，唔好嘥啊！」
喺上海，我終於喺去上海灘嘅途中搵到條有紅綠燈又有斑馬線嘅馬路。點知綠燈著咗之後，雖然汽車唔可以直行，但可以轉彎！真係打醒廿四分精神都唔夠。
上海灘，水多，人多，煙味多，燈光多，幫人影相嘅車仔檔都多。聽咗浪奔浪流好多年，終於有機會親歷其境，好感動。﹙不過仍然覺得西湖吸引啲﹚
我冇正式行過旺角同銅鑼灣，不過行一次「南京步行街」，已經可以想像到情景會係點 —— 同城隍廟一樣，呢度人多到針插都唔入，仲要間中就有車係唔係都「呠」你一下，然後施施然行過，真係行都行得唔舒服。好多人都好似唔使錢咁湧晒入啲食品店。一向唔太好優之良品嘅我，喺呢度更加揀唔落手。
唯一要讚吓嘅，就係呢晚嘅酒店﹙我深信，所謂嘅「豪華」，就係豪喺呢度﹚，令我可以沖返個舒舒服服嘅涼。兩張大床大到我可以打關斗；輪椅要去邊個角落都冇問題。
結果，第二日真係好好天。食完比前一日好少少嘅早餐之後，就開始應該係我有生以嚟最有文化氣息嘅一日。
相比入面嘅文物，我更加鍾意「蘇州博物館」嘅設計 —— 啡色嘅屋頂，白色嘅牆身，簡單中又顯得不平凡。
全陪導遊推我由特別通道入去。喺入面等大家集合嗰陣，佢問我：「香港有冇博物館？係咪免費入場？」但事前，佢強調自己去過幾次香港。
除咗博物館外圍好靚之外，入面亦可以見到小橋流水同流水，加埋各個展館嘅外圍同陽光嘅襯托，真係睇幾個鐘都唔厭。
當我走馬看花咁睇晒各個展館，諗緊應該影館內邊個部份先最靚嗰陣，突然聽到導遊把聲話：「大堂嘅屋頂啦，點影都靚架！」的確，無論從邊個角度睇，屋頂都好靚，如果我識影相嘅話，一定會仲靚。
離開博物館之後，就向絲綢館進發。途中導遊不停講解蠶絲製品﹙例如蠶絲被﹚同其他製品嘅分別。有時我都覺得佢哋幾辛苦 —— 收入唔穩定，但又要好有記性同口才。不過，講到天花龍鳳又如何？有需要嘅就自然會買。
雖然係購物點，但館內嘅工作人員大部份都係阿媽級人馬。見到佢哋將原本一舊舊嘅蠶絲喺迅雷不及掩耳間拉成大小不一嘅塊狀，真係要寫個「服」字俾佢哋。
喺電視節目已經睇過蘇州刺繡嘅精美，去到研究所之後，真係睇到我嘩嘩聲 —— 前一晚導遊曾經講過一個貓刺繡嚇死咗真金魚嘅故事，當我睇到不論係人、動物、物件、風景嘅刺繡仲真過相片嗰陣，就覺得導遊嘅故事一啲都唔誇張。同絲綢館一樣，喺入面拎住針刺繡嘅，都係有媽咪級人馬。蘇州嘅女性，真係唔止得個樣，難怪會有「蘇州屎」嘅典故。
食午餐嘅地方喺研究所隔離，中途經過一條好古舊嘅長廊，兩邊有湖有樹，仲有鴨同鵝喺度戲水。好耐冇見過真實嘅佢哋。姐妹花不斷撩佢哋，令到佢哋發出好沉厚嘅叫聲。唔知點解，聽到呢啲聲令我覺得好舒服。
無論喺研究所抑或酒樓，都見到為咗刺繡而嚟嘅外國人，令我忽然對蘇州刺繡肅然起敬。
午餐之後，又係同蘇州導遊講再見嘅時候。全陪導遊話由蘇州去上海，車程要個幾鐘，所以我哋可以休息吓先。但仲未喺上海停低，我哋已經見識到上海嘅繁華 —— 因為塞車嘅關係，最終車程變為係原先估計嘅兩倍！
唔記得兜兜轉轉咗幾耐，終於去到市中心嘅「上海博物館」—— 係啊，一日之內去咗兩個博物館。入館嗰陣又係全陪導遊推我由特別通道入。無幾耐我聽到響機，原來元兇係媽咪個大袋入面支水。工作人員要媽咪飲一啖水，證明冇事先俾佢入。
相比「蘇州博物館」，「上海博物館」真係大好多 —— 四層都有多過一個展館，而且入面嘅文物都好有趣，可惜又係得一個鐘，加埋等lift嘅時間，結果行唔晒。如果啲內地旅行唔係坐晒喺樓梯休息，我諗環境會更靚。
我對上海冇咩期望，雖然夜晚城隍廟嘅建築物都好靚，但我諗人流比香港嘅廟街更誇張！一個鐘嘅自由時間，最後大家都決定一齊行，費事走散。原本想去「南翔饅頭店」試小籠包，但淨係排隊都要40分鐘，所以大家決定喺要行兩級先入到去嘅「寧波湯圓店」坐到夠鐘為止。試咗好多朋友推介過嘅灌湯包，啲湯搞到我食得好論盡，更重要嘅係 —— 唔好食！塊皮仲厚過我嘅面皮，餡料又鹹，其他小食都係得個鹹字，但姊妹花仍然買咗好多小食做宵夜。人多，食咩都好食啲嘅。
離開城隍廟之後，我哋就去食晚飯。雖然領隊不停叫我哋食多啲，食飽啲，但大家對住啲團餐，都牙痛咁嘅樣。姐妹突然見到工作人員嘅飯餸原來更令人不堪入目，於是講笑話：「不如叫佢哋入嚟食咗份團餐佢啦，唔好嘥啊！」
喺上海，我終於喺去上海灘嘅途中搵到條有紅綠燈又有斑馬線嘅馬路。點知綠燈著咗之後，雖然汽車唔可以直行，但可以轉彎！真係打醒廿四分精神都唔夠。
上海灘，水多，人多，煙味多，燈光多，幫人影相嘅車仔檔都多。聽咗浪奔浪流好多年，終於有機會親歷其境，好感動。﹙不過仍然覺得西湖吸引啲﹚
我冇正式行過旺角同銅鑼灣，不過行一次「南京步行街」，已經可以想像到情景會係點 —— 同城隍廟一樣，呢度人多到針插都唔入，仲要間中就有車係唔係都「呠」你一下，然後施施然行過，真係行都行得唔舒服。好多人都好似唔使錢咁湧晒入啲食品店。一向唔太好優之良品嘅我，喺呢度更加揀唔落手。
唯一要讚吓嘅，就係呢晚嘅酒店﹙我深信，所謂嘅「豪華」，就係豪喺呢度﹚，令我可以沖返個舒舒服服嘅涼。兩張大床大到我可以打關斗；輪椅要去邊個角落都冇問題。
請按此登錄後留言。未成為會員? 立即註冊