元朗-抵食大件的船長餐廳

DINENFOOD 於 13/03/2017 發表 收藏文章

有時候都會有糧尾既時候,又想食好西,但又想平食又大件,聽朋友講起元朗有間抵食又大件既餐廳,結果跟朋友去食左個晚飯。餐廳裝潢以船務為主,有船艦駄盤、船錨、救生圈、船的圖案等,更用上一束束吊燈,形造置身船身之中。餐廳空間感好大,座位好鬆動,大多都是以卡位形式,舒適自在。


餐牌的食物選擇好多款,不同種類都有,價錢相當經濟,仿似下午茶價錢,晚餐份量,仲要免加一服務費。最後點選了:「晚市日式定食:香川鹽燒鯖魚$78」、「船長龍蝦汁海鮮意式燴珍珠飯$78」、「米蘭炸一級豬扒$65」、「蜜燒葡萄柚子雞翼$28/4隻」、「維也納煙燻蛇形腸$48」、「椒鹽魷魚鬚$38」、「白汁芝士焗西蘭花$29」、「忌廉紅豆奶茶冰冰(跟餐飲)」、「蜂蜜花梨蜜$22(熱)」。


「晚市日式定食:香川鹽燒鯖魚$78」日式定食包含有: 雙目珍味併盤(青瓜、螺肉)、海蜆麵豉湯、珍珠白飯、香川鹽燒鯖魚、特飲1杯。珍珠白飯拌上飯素,香口惹味又開胃。食鯖魚時,榨上檸檬汁,酸酸地幾開胃,而整條魚去除骨,方便進食。


「船長龍蝦汁海鮮意式燴珍珠飯$78」材料包括: 龍蝦、青口、魷魚、蝦粒、蟹柳等材料。飯質適中煙韌不錯,飯身不會太濕,味道剛好,不會過濃。


「米蘭炸一級豬扒$65」有兩大塊豬扒,配上太陽蛋一塊,配菜有薯角、西蘭花、蔬菜、蕃茄仔、粟米等。豬扒肉質不韌嫩身,份量充足抵食,釀製味道剛好。

「蜜燒葡萄柚子雞翼$28/4隻」甜甜酸酸的味道,但有一點點澀澀地的感覺,可能用上了檸檬皮關係。雞翼炸至脆身再浸上蜜燒葡萄柚子汁,內裡肉質嫩滑。


「維也納煙燻蛇形腸$48」平時少見的蛇形德國腸,食落跟一般德國腸相同,味道不會太濃。配上炸薯角,炸至剛好,沾上茄汁香脆可口。


「椒鹽魷魚鬚$38」用上金屬架盛載,睇起黎賣相幾特別,份量不算多,食落香口,味道適中,不算好油膩。


「白汁芝士焗西蘭花$29」用上鐵板再加上白汁浸上西蘭花表面,味道適中,芝士味道不會太濃,令到整碟西蘭花不會太膩。


「忌廉紅豆奶茶冰冰(跟餐飲)」餐廳的招牌飲品,頂層有一團白色的忌廉,超邪惡。底下有不少的紅豆冰,配上奶茶,口感幾特別,味道都好夾。

「蜂蜜花梨蜜$22(熱)」用上柚子蜜加上花梨肉浸泡,暖暖的微香甜,滋潤保暖。

「餐牌」我已經影左上載至openrice既「餐牌」入面啦,方便大家查閱相關菜式。

船長意法日餐廳
網址: https://s.openrice.com/QrbS0HNC700
地址: 元朗 西菁街10號好順泰大廈地下30號舖
電話: 2470 5386
免收加一服務費

----------------------------------------------------------------------
Dinenfood
生活就是享受. 到處吃喝玩樂. 分享各類資訊
Facebook: https://www.facebook.com/dinenfood/
Instagram: https://www.instagram.com/dinenfood/
Email: dinenfood@gmail.com
Whatsapp: +852 6718 6106

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→