銅鑼灣-懷舊老香港式西餐廳

DINENFOOD 於 02/02/2017 發表 收藏文章
前幾日同個朋友去左呢間樓上既餐廳「西餐大排檔」,未入到餐廳,就會見到門面好有70年代既懷舊老香港感覺,有唔同既懷舊擺設同裝飾,最特別係有兩個做大戲既戲棚花牌,即係睇餐廳裝潢都仲以為食中菜添。


望左一陣餐牌,食物款式都唔少,睇到樣樣都想食咁樣,最後點選了:「蟹肉黑松露蘑菇湯$88」、「芝士白汁焗法國鮮蠔$128」、「燒西班牙黑毛豬(肋條肉)$168」、「蝦肉醬蘑菇意粉配煎鮮蝦$158」、「朱古力脆脆蛋糕$88」、「Mocktail: Tropical Punch(亞熱帶少年)$68」、「Cocktail: Batida Morango(草莓BB)$78」。


「蟹肉黑松露蘑菇湯」好香濃既黑松露氣味,整碗湯都係好多蟹肉,飲落口感唔錯,粒粒既蘑菇加上啖啖既蟹肉,口感豐富好滿足咁。


「芝士白汁焗法國鮮蠔」份量係一碟3隻,而且亦都唔算細隻,好香芝士味,食落好新鮮,味道岩岩好。


「燒西班牙黑毛豬(肋條肉)」份量都唔算少,配上燒汁,菠蘿粒及薄荷葉。肋條肉食落完全唔會靱,味道唔會太鹹,肉質燒得岩岩好。店員仲教一邊食肉一邊食菠蘿,會中和油膩,食落會開胃啲。


「蝦肉醬蘑菇意粉配煎鮮蝦」賣相都唔差,有2隻大蝦,睇落麵質較濕,但食落好香蝦肉味,特別既係用左蝦肉醬煮,令到意粉食落好多蝦肉。

「朱古力脆脆蛋糕」店員介紹蛋糕產地係來自法國。賣相好高分,好似一畫藝術畫咁,令人食慾大增。食落好香濃朱古力味,整件蛋糕密度都好高,唔會太甜,飯後食一件真係好滿足。


「Mocktail: Tropical Punch(亞熱帶少年)」橙色既一杯無酒精既雞尾酒,飲落有點似雜果賓治,當中成份:橙汁、菠蘿汁、梳打水、石榴,配上杯上水果襯托,賣相好有熱帶夏威夷既感覺,而甜味適中,適合不沾酒人仕。

「Cocktail: Batida Morango(草莓BB)」呢杯係有酒精成份既雞尾酒,當中成份:士多啤梨、青檸、cachaca,酒味唔算太濃烈,甜甜酸酸。

p.s. 整餐西式晚餐都聽著唔同香港70-80年代既懷舊金曲,感覺好特別,有種中西合併咁。另外,餐廳店員好欣勤係每道菜都會更換新既餐碟及餐具。

「餐牌」我已經影左上載至openrice既「餐牌」入面啦,方便大家查閱相關菜式。

西餐大排檔
網址: https://s.openrice.com/QrbS0Wzs300
地址: 銅鑼灣 渣甸街50號渣甸中心7樓
電話: 2882 9930
收加一服務費

----------------------------------------------------------------------
Dinenfood
生活就是享受. 到處吃喝玩樂. 分享各類資訊
Facebook: https://www.facebook.com/dinenfood/
Instagram: https://www.instagram.com/dinenfood/
Email: dinenfood@gmail.com
Whatsapp: +852 6718 6106

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→