【教兒樂】✿你最需要我的1000天♬我給你最好的親子關係✿

每個做父母既,都想比最好既小朋友但係點教絕對係一件辛苦事,
係唔係真係要一個做好人,一個做壞人咁先係好?
唔知大家有冇覺得,明明好似擺左成擔心機落去,
但係個小朋友唔痴自己仲反而痴多左身邊既工人姐姐?
會唔會覺得湊小朋友係一件氣餒事唔係一件開心事?

教好小朋友,除左佢既品德之外,
我覺得比較重要既"親子關係"


究竟乜既親子關係先係良好架呢?
係唔係日日陪住就叫好呢?
你同你小朋友既親子關係又點呢?
自問我同Gogo關係好好,
但係爸爸同小朋友既關係都係差少少,
我有時都係度諗究竟係咩問題呢?

其實親子關係真係好似儲錢咁儲番黎,
雖然話做媽媽既一定比起爸爸同小朋友關係更好
因為我地有多過十個月時光陪住小朋友
之但係我認識好多爸爸同小朋友既關係,
比同媽媽既更加密切,原因佢地肯付出時間同心機比小朋友,
同樣係付出,點解唔儲起大家既親子關係?

如何有良好既親子關係?
第一點-時間
有冇發覺當自己回到家時,好自不然係咁拎個電話係咁碌?
明明只係睇下FB,明明只係碌下Whatapp 咁樣,
不如試下每日只係乜都唔做,放底電話陪下小朋友
只係簡單5-10mins 都好呀,開頭做可能好難,
慢慢加長,而家我地起碼食完飯都陪佢玩一陣玩具就上床訓
第二點-擁抱我每日起碼會擁抱最少三次,簡單一個擁抱,
其實也會令小朋友知道你著緊佢,愛佢,
親子關係就係咁可以提昇啦!

第三點-眼耳口心手到或者大家會話即係點呀?咩黎架?
眼到-即係你跟小朋友要有眼神接觸,唔係佢有佢講,你有你眼望電話
耳到-你要專心聆聽小朋友說話,
唔係佢有佢講,你有冇專心聽呢?
口到-聽完都要有反應,但係唔好只係單係哦,唔,係咁簡單..
反而可以重覆佢既說話及認同他既情緒
(我知道小明同你爭玩具,我知你一定唔開心)
心到-專心留心聽小朋友講野
最後既手到-係聽小朋友講野既時間,
可以適當的輕輕拍拍肩膀/手以作鼓勵

第四點-放底自己既想法及意見
唔知大家會唔會有時小朋友講野會令你想即時Stop佢,或者想即時想更正佢?
但係經常係咁既時候,你作為小朋友仲想唔想聽大人講呢?
會唔會諗下究竟咁樣係唔係真係最好?

而家多數小朋友唔洗番學既日子,我都會留底Gogo 係屋企,
比長老幫手睇一日半日,但係有時長老既教育方法,
真係令人好頭痕.......

就好似有次Gogo 學左爸爸拎起左衫打出肚腩仔,
然後老人家見到就笑佢一句"大肚Dum無良心"
係呢個二歲幾三歲既小朋友覺得好好玩,
自始小朋友就好似Copy Cat 一樣唱歌咁唱啦,
係我地做阿媽立場就更加嬲同更加忟啦係唔係?

好多時我地會即時Stop 佢地既說話,但係唔加以解釋,
係小朋友既世界會點呢?佢只會覺得媽媽唔比佢講
唔知點解媽媽唔比講,只係媽媽唔比
其實係呢個時間,我地應該先放底自己既想法,
再重覆小朋友既說話,
再問係唔係佢其實你係唔係想講你個肚仔好大個呀?
係唔係覺得自己食左好多野呢?
所以突起左個肚腩呢?

咁又可以改變我地唔想講既說話之如,
又可以解釋點解唔可以講呢?
重而改善佢地既詞彙,佢地又學多D詞彙之如,
仲可以避免左你唔想佢地講既說話tim

記得唔好乜都NO左先,
先學習先靜一靜想一想,再試住跟住佢講番同一句話
再詢問你係唔係想咁既意思,
再更正左你想講你講說話,
同小朋友相處其實唔難,真係試下係佢地角度諗下,
或者我同你都有得著!!


文章分享內容均為教兒樂其中的一個課題,
如各位有興趣了解更多,
可以到慈慧幼苗親子學堂網站
http://babyparent.org/healthyseed.php?page=article_detail&id=622
跟超級奶爸既教法是一樣的,大家可以再作參考的。

就這樣完結啦,下次再見啦!(拜~)
◕‿◕如有任何合作事宜,歡迎找我呀

Beauty | Baby | Food | Life
Angel 小魔怪Mama


E-Mail: manman81!@gmail.com
instagram.com/angelbabyhome
facebook.com/angelbabyhome/
小魔怪。私家竇

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→