【親子】粉嶺也有打卡點◕‿◕帶你遊走前粉嶺裁判法院．｡♥ﾟ 精選

作為大半個北區人仕，

真係對於呢個前粉嶺裁判法院不會陌生，
由其是住聯和墟的朋友就差不多每天也見吧
其實呢個前粉嶺裁判院係2002年已經停用了,
係2010 年被列為三級歷史建築，活化後成為青協領袖學院

係今年3月就正式活化之後，正式開幕成為呢個青協領袖學院，
其實我好早前已經係FB留意到它重新開幕囉~原意本身就係想約朋友來這兒的Cafe，
不過呢個活化既法院反而更加吸晴

一入門口就有
第一個打卡點--對稱樓梯好記得呢個樓梯係活化之前係一條以木梯既樓梯，
不過每次望到都係咁岩佢開住門係車度望到，
雖然它已經唔係之前既木梯，但係終於可以入黎睇下啦

唔講唔知，係呢個入口出入既，唔係最高級既法官，亦唔係最卑微既被告人仕反而最常出入既應該係律師,記者同公眾

第二個打卡點--二號法院
經由樓梯上去會兩個法院，一號及二號法院
由於一號已經活化成為數碼辯論演說廳，使用與立法會內一樣的系統，
讓青年模擬會議情况，當日亦因為有活動就冇入去啦

而二號就保留了舊法院昔日原貌，真係同電視睇既好唔同,
起碼唔會比記者坐入去啦，真係被告者,
律師同證人既樣都睇齊佢地既表情


最開心就係可以我地入去扮下做裁判官(相中打錯)，不同既崗位，
係法官既側邊係有一間小門，
其實平常睇TBB 劇都會知，裁判官係唔會係正門上去架啦

其實係裁判官旁既小門就係會有個擁有最開揚景觀既走廊，點解我要講明係擁有最開揚既景觀呢?
其實呢個走廊係裁判官獨立通道係其中一部份，
亦係裁判官以及工作人員既【專屬景觀】

不過身為裁判法院內最高層既裁判官，
就唔可以係正門進出裁判法院。
為裁判官而設既獨立門口係法院旁既兩邊之一，
而另一邊就係被告人而設既獨立門口。

既然入得法庭，有裁判官就當然有被告人仕啦，
而同樣被告人仕亦唔係公眾入口進出既，
而係犯人席後亦係有一個樓梯進出，
就不如等Gogo 同靚姐姐帶大家落去睇下啦

(犯人點解你仲可以笑得出？)

其實係犯人欄後面既樓梯，其實就係落番樓下地下既拘留室


er...明明我係書記點解突然間我會比人關左係拘留室架?
仲要比人鎖左門...搵人救我出黎呀!!


點解明明係犯人既你?會係外邊既?
快d 救下我啦，放番我出黎啦...


係地下個層既拘留室好似有三間，但係亦只有呢一間開放比公眾
真心呢個拘留室好似冇乜野咁，但係已經係一個好好既打卡位，就係呢度，
我地都玩左差唔多10-15mins，影下相左攪攪右攪攪
加上佢入面都有少許道具，可能又有其他外人又排下隊咁


其實除左呢三個打卡點之外，仲有個繳費處及夾萬，
不過當日有突發既事情，我需要快閃一會就走了..
我會再去多一次再補回其他的照片就跟大家分享一下

本身原意不是想來前粉嶺裁判法院旁的，
反而是想到它附近的添飲咖啡室，
所以再下一篇文章，跟大家說一下我們到咖啡室吃的東西吧
不想這篇太長吧~你們也不想看啦!

下次前粉嶺裁判法院旁的白色小屋子~
添飲咖啡室文章分享見

想去前粉嶺裁判法院可以有幾種，先搭火車到粉嶺站，然後在B出口往粉嶺名都走
入商場直行看到麥當奴，往左行離開商場，
再往左走過天橋,這時候看到粉嶺消防局對面就是囉~~~

就這樣完結啦，下次再見啦!(拜~)
◕‿◕如有任何合作事宜，歡迎找我呀

Beauty | Baby | Food | Life
Angel 小魔怪Mama


E-Mail: manman81!@gmail.com
instagram.com/angelbabyhome
facebook.com/angelbabyhome/小魔怪。私家竇

圖片來源：images-blogger-opensocial.googleusercontent.com