【食 ❤ 荃灣】🍔 龍蝦喜歡漢堡扒🍔 ❤ 🍤炸蝦愛上炸薯條🍟

近來有套電視劇搵左幾個新商場做拍攝場地
其中一個仲係荃灣最近翻新左既商場
的確最近佢地翻新係好行大又闊落左
重點係多左好多唔同既餐廳進註左

早排同媽咪去完表姐夫度剪完頭髮,
諗住同媽咪阿妹去食下野再送佢地搭車
阿妹就話係IG 見到朋友仔食左個Buger 好吸晴
地點仲好近佢地搭車既位置,咁就岩曬啦
就揀去千色匯去食下呢個Sixer Burger 啦

Sixer Burger 本身就係商場既地下,一入去就會見到架啦
不過鋪面其實比較細,入左bb 車就有機會會頂到人地
不過店員真係好好,專登幫我泊好架車
仲要比我鎖埋另一邊門等人地唔撞到我架車仔
呢個真心超讚!!!貼心既服務

講左咁耐,睇下有咩好食既Buger 先
我一早就睇定左我要最貴個個!!
龍蝦牛肉漢堡 ,因為我見到IG 既朋友們
都話佢真係有原隻龍蝦呀!!!


首先要出場介紹就有我呢個
龍蝦牛肉漢堡配香草忌廉檸檬汁 $198
另加沙津及飲品 +$18


其實一送上枱已經令我雙眼嘩聲四起
真係冇吹水係原隻龍肉上仲要加上厚既牛肉漢堡扒
真係食落啖啖肉超級地滿足呀

如果你話如果咁大個包,女仔好難成個食架嗎
唔緊要可以叫店員幫忙幫你切開一半
又可以方便進食同時同人SHARE 都冇問題啦係唔係?

我麻煩左店員幫我地切開一半之後
我仲將龍蝦慢慢用刀叉切開黎食
阿妹仲話究竟我係食Buger 定係食緊西餐


媽咪話佢好麻麻地食Buger 所以就話同阿妹Share 左一個
阿妹就叫左呢個牛肉啡菇芝士漢堡 $88

雖然大家份量一樣咁大堆頭,但係絕對就冇蝦龍咁吸晴啦
同樣好有肉汁又夠厚既漢堡扒加上
利用牛油再煎香既啡菇 加上啖啖肉既漢堡扒
真係小心一路食一流番d 汁出黎呀(笑..)


三個人兩個包又點夠喉呀,本身想叫多個意粉食
阿妹又話驚會太飽曬左d 野食
望下餐牌見到有呢個小食併盤
又見到隔離枱叫左好香,好吸引
即刻唔洗諗即叫左呢個
海鮮併盤 $128

當中有四隻炸蝦,四隻炸蠔,一片炸魚柳
仲有一小盤既炸薯條
由於佢地真係即叫即炸,所以叫完都要等下先有上枱
炸蝦即食個陣好熱好辣口
炸蠔就真心要盡快食
唔係就會有d 唔知點既感覺
而魚柳同薯條就最驚喜,因為我要湊住阿仔
唔可能樣樣野都即刻食,所以魚仲可以Keep 住好嫩滑
重點唔係好乾身仲有唔會有成層炸漿咁樣
而薯條仲係厚薯,岩岩炸好超級好食
最重要佢咸味適中呀,諗起都好想食多次


今次完左阿妹既心願去享用呢個好熱氣但好食既Buger
終於明白點解大家都會推介呢間既Buger 由其佢既龍蝦
簡直係無敵,雖然價錢上唔係真係話好抵食
但係服務食品質數佢地認真係不錯的

由其佢地為左我架bb 車專登鎖門個下動作
認真呀,邊有鋪頭會專登為左個客既BB 車咁做
不過如佢地佢地有BB Chair 就更加好啦

是日分享: Sixer Burger
荃灣眾安街68號荃灣千色匯I期地下G026號舖
(荃灣千色店旁斜對街既商場,公園隔離)

希望你地都喜歡小妹既介紹啦
想隨時留意小妹及小PQ生活點滴同Blog 文分享

記得要Like 我既專頁啦

↓↓↓↓↓↓↓






◕‿◕如有任何問題歡迎聯絡小妹
電郵:manman811@gmail.com

以下地方可以找到小妹架^^
BlogSpot ❤ Instagram ❤ OpenRice ❤ FB 專頁
TheZtyleBeautyLifeShe Blog
U BeautyBeauty Exchange

留言


請按此登錄後留言。未成為會員? 立即註冊
    快捷鍵:←
    快捷鍵:→